Búgin, 4-sentyabr kúni Qaraqalpaqstan awıl xojalıǵı hám agrotexnologiyalar institutında 2025-2026-oqıw jılınıń ashılıwına baǵıshlanǵan saltanatlı ilaj bolıp ótti.

 Ilajǵa Qaraqalpaqstan Respublikası Joqarı bilimlendiriw, ilim hám innovaciyalar ministrliginiń sektor baslıǵı G.Xalmuratova, Qaraqalpaqstan Respublikası Awıl xojalıǵı ministriniń ekonomika hám azıq-awqat qáwipsizligi boyınsha orınbasarı I.Qurbonov, nuranıy ustazlar, institut jámááti, bıyılǵı jańa oqıw jılında oqıwǵa usınıs etilgen student-jaslar hám olardıń ata-anaları, sonday-aq, ǴXQ xızmetkerleri qatnastı.

 Bayram ilajın instituttıń Jaslar menen islesiw, ruwxıylıq hám aǵartıwshılıq isleri boyınsha birinshi prorektorı M.Dauletmuratov ashıp berdi hám Institutimiz rektorı B. Jollıbekovtıń bayram qutlıqlawın oqıp esittirdi. Bunnan soń qatnasıwshılardı ǵárezsizligimizdiń 34 jıllıq bayramı, sonday-aq, jańa oqıw jılınıń baslanıwı menen qutlıqladı.

 Sonıń menen bir qatarda nuraniy ustazlar shıǵıp sóylep, barlıq qatnasıwshılarǵa ózleri basıp ótken ilim jolındaǵı mashaqatlar hám búgingi kúnde jaslarǵa qaratılıp atırǵan ayrıqsha itibar hám jeńilliklerden aqılǵa uǵras paydalanıp joqarı nátiyjelerge erisiwine tilekleslik bildirdi.

 Bunnan soń jańa oqıw jılında joqarı nátiyjeler menen studentlik baxtına miyassar bolǵan jaslarımızǵa ilim sandıǵınıń gilti hám studentlik gúwalıqları tapsırıldı.