Qaraqalpaqstan awıl xojalıǵı hám agrotexnologiyalar institutında studentlerdiń ruwxıy dúnyaqarasın keńeytiw hám olardı zamanagóy processlerden xabardar etiw maqsetinde  “Keleshek saatları tiykarında Agartıwshılıq saatı” sabaqları turaqlı ótkerilip kelinbekte.

27-oktyabr kúni bul sabaqtı institut rektorı B.Jollibekov hám jaslar máseleleri hám ruwxıy-aǵartıwshılıq isleri boyınsha birinshi prorektor M. Dauletmuratov 1-kurs studentleri ushın ótkerdi.

Sabaq “Ózbekstan hám jáhán” temasına bagishlangan bolıp, onda studentlerge mámleketimizdiń jáhán jámiechiligindegi orni, gárezsizlik jıllarında erisilgen siyasiy, ekonomikalıq hám mádeniy jetiskenlikler haqqında tolıq magliwmatlar berildi.

Ilaj dawamında Ózbekstannıń bay tariyxıy miyrası, tábiyǵıy baylıqları hám qábiletli xalqı sebepli dúnyada múnásip orın iyelep atırǵanı atap ótildi. Sonday-aq, studentler milliy máplerdi xalıqaralıq maydanda alǵa qoyıw, tınıshlıq hám turaqlılıqtı támiyinlewde jaslardıń belsendiligi áhmiyetli faktor ekenin haqqında túsinikler berildi.

Institutta  “Keleshek saatları tiykarında Agartıwshılıq saatı” sabaqları turaqlı túrde joqarı shólkemleskenlik penen ótkerilip, hár bir sabaq studentlerde Watanǵa muhabbat, xalıqtıń abadanlıǵı ushın juwapkershilik hám global kózqarastı qáliplestiriwge xızmet etpekte.