2025-jıldıń 1-noyabr kúni Yaponiyanıń Kogakuin Texnologiya hám Injinerlik universiteti docenti Sakai Yuji Qaraqalpaqstan awıl xojalıǵı hám agrotexnologiyaları institutına keldi.
Miymandı institut rektorı B.Jollibekov kútip aldı hám ushırasıw shólkemlestirildi. Ushırasıwǵa Yaponiyanıń JICA shólkemi volontyorları Aoyama Yuna, Kozuki Takuma, “Awıl xojalıǵı ónimlerin saqlaw hám qayta islew texnologiyası” kafedrası assistenti J.Aqseytov hám T.Buranbayev qatnasdı.

 Ushırasıwdı institut rekotrı B.Jollibekov óz kiris sózi menen ashıp berdi. Bunnan soń T.Buranbayev institut hámde Yaponiya JOOları hám ilmiy izzertlew institutları menen ámelge asırılıp atırılǵan ilmiy joybarlar boyınsha maǵlıwmat berdi. Ushırasıw barısında Yuji Sakai óz xizmet saparınan gózlengen maqset Aral teńiziniń topıraqların úyreniw, ol jerde ámelge asırılıp atırılǵan kóklemzarlastırıw isleri menen tanısıw hámde keleshekte institutńmız benen birgelikde ilmiy joybarlardi ámelge asırıwdı rejelestirilgenligin atap ótti.
Ushırasıw sońında institutımız hám Kogakuin Texnologiya hám Injinerlik universiteti ortasında birge islesiw shártnamasın dúziw boyınsha dáslepki kelisimge erisildi.