Institutimizda jasalma intellekt tiykarındaǵı aqıllı awıl xojalıǵı joybarı jolǵa qoyıldı!
Qaraqalpaqstan awıl xojalıǵı hám agrotexnologiyalar institutında innovaciyalıq rawajlanıw jolında áhmietli tariyxıy qádem taslandı. Institutimiz rektorı hám UFarmer kompaniyası basshısı arasında strategiyalıq birge islesiw shártnamasına qol qoyıldı.
Bul birge islesiw sheńberinde institutımız oqıw tájiriybe xojalıǵı aymaǵında 1 gektar tájiriybe maydanı ajıratıladı, onda AI texnologiyaları tiykarında 5 túrdegi eginler jetistiriledi, maydanǵa jasalma intellekt tiykarında isleytuǵın aqıllı sensorlar ornatıladı, barlıq maǵlıwmatlar UFarmerdiń sanlı platformasına integraciyalanadı.
UFarmer platforması arqalı awıl xojalıǵı processleri tolıq AI tiykarında basqarıladı. Sistema real waqıt rejiminde egin hám onı jetistiriw, agrotexnikalıq ilajlar, dárilew hám basqa da barlıq máseleler boyınsha usınıslar beredi. Barlıq processler sanlı qosımsha arqalı qadaǵalanıp, ilimiy tiykarlanǵan qararlar qabıl etiledi.
➤ UFarmer – awıl xojalıǵı hám biznes processlerin sanlastırıwshı zamanagóy IT hám agrotexnologiyalıq platforma bolıp, ol:
• óndiris hám resurslardı basqarıw;
• monitoring hám talqılaw;
• proceslerdi avtomatlastırıw;
• ónimdarlıqtı asırıw sıyaqlı imkaniyatlardı beredi.
️ Platforma jasalma intellekt hám aqıllı sensorlar arqalı eginlerdiń jaǵdayın baqlaydı, anıq usınıslar beredi hám nátiyjelilikti arttırıwǵa xızmet etedi.
✅ Joybar sheńberinde:
• professor-oqıtıwshılar, izertlewshiler hám studentler ushın arnawlı treningler shólkemlestiriledi.
• UFarmer platformasınan paydalanıw boyınsha ámeliy bilimler beriledi.
• sanlı hám aqıllı awıl xojalıǵı kónlikpeleri qáliplestiriledi.
Bul joybar institutımızda siyrek ushırasatuǵın ilimiy-ámeliy poligon wazıypasın atqaradı. Onda jasalma intellekt tiykarında awıl xojalıǵı izertlewleri alıp barıladı, AI texnologiyalarınıń nátiyjeliligi hám anıqlıǵı úyreniledi, bar sheklewler hám kemshilikler ilimiy tiykarda tallanadı,
Bul baslama:
• aqıllı awıl xojalıǵın rawajlandırıw.
• ilim hám ámeliyattı úylestiriw;
• innovaciyalıq sheshimlerdi engiziw;
• keleshek ushın básekige shıdamlı qánigeler tayarlaw jolında úlken áhmiyetke iye.
Institutimiz zamanagóy texnologiyalardı engiziw arqalı awıl xojalıǵında jańa dáwirdi baslap bermekte! Innovaciya, ilim hám birge islesiw arqalı biz keleshek awıl xojalıǵın birgelikte quramız!
