Qaraqalpaqstan awıl xojalıǵı hám agrotexnologiyalar institutınıń student-jasları tyutorları menen birgelikte “Repressiya qurbanları esteligi” muzeyine bardı.

 Sapardan maqset – siyasiy repressiya qurbanı bolǵan watanlaslarımızdıń turmısı hám jumısın úyreniw, olardıń mártlik gúreslerin jaslarǵa úgit-násiyatlaw jáne esteligin máńgilestiriw bolıp tabıladı.

 Studentler muzey ekspoziciyaları arqalı tariyxıy waqıyalar menen jaqınnan tanısıp, xalqımız basınan ótkergen awır sınaqlardı tereń sezdi. Bul sapar etiw jaslardıń kewlinde watansúyiwshilik, tariyxıy estelikke húrmet hám keleshek ushın juwapkershilik sezimlerin jáne de kúsheytti.