AIV infeksiyasınıń aldın alıw- salamat turmısqa qaray áhimiyetli qádem.
Búgingi kúnde AIV (adam immunitet jetispewshiligi virusi) infeksiyasi dúnya júzlik den sawlıqtı saqlaw mashqalalarinan biri bolıp qalmaqta. Bul kesellik tek insan den sawlıǵına, bálki jámiyettiń social-ekanomikalıq rawajlanıwına da tásir kórsetedi. Sol sebepli AIV infeksiyasınıń aldın alıw hár bir insannıń juwapkershilikli juwapkershiligin talap etedi.
AIV tiykarınan úsh jol arqalı juǵadı. Qorǵalmaǵan jınısıy qatnas, zıyanlanǵan qan arqalı (máselen, ulıwma iyne yaki medicinalıq ásbaplar arqalı), hámde anadan balaǵa hámiledarlıq, tuwıw yaki emiziw dáwirinde. Bul jollardı biliw hám olardan saqlanıw ilájların kóriw infeksiyanıń aldın alıwǵa imkan beredi.
Birinshiden, qáwipsiz jınısıy turmısqa ámel etiw zárúr. Bul degeni-tosattan jınısıy qatnastan saqlanıw hám qorǵanıw qurallarinan paydalaniw. Bul AIV, jınısıy jol arqalı juǵatuǵın keselliklerden de qorǵaydı.
Ekinshiden, medicina hám kosmetologıyada gigiena qaǵıydalarına qáteń ámel etiw kerek. Sterillenbegen iyne, shprits yáki ásbap-úskenelerden paydalanıw AIV juǵıw qáwipin keskin arttıradi. Sol sebepli tek sterillengenligine isenim kámil etiw kerek.
Úshinshiden, xalıqtıń xabardarlıǵın asırıw áhimiyetke iye. AIV haqqında tuwrı maǵlıwmatqa iye bolǵan insan ózin hám basqalardı qorǵay aladı. Sonday-aq, óz waqtında test tapsırıw da úlken áhimiyetke iye. AIV infeksiyasın erte anıqlaw arqalı insan óz den sawlıǵın baqlaw astında uslap turıwı hám basqalarǵa juǵıwınıń aldın alıw múmkin. Búgingi kúnde test tapsırıw anonim túrde biypul ámelge asırılmaqta.
Jámiyette AIV menen jasap atırǵan insanlarǵa qarata kemsitiw hám stigma jaǵdayların kemeytiw de áhimiyetli wazıypalardan biri. Olardı qollap-quwatlaw, medicinalıq hám sociallıq járdem kórsetiw arqalı biz jáne de saw hám miyrimli jámiyetti qurıwımız múmkin.
Juwmaqlap aytqanda, AIV infeksiyasınıń aldın alıw hár birimizdiń qolımızda. Durıs maǵlıwmat, saqlanıw ilájlarına ámel etiw hám salamat turmıs tárizine ámel etiw arqalı biz bul keseliktiń tarqalıwın sezilerli dárejede kemeyte alamız.
Salamat ómir-sanalı tańlawdan baslanadı!
QR AIJSke qarsı gúresiw orayı sanitariya shıpakeri M. Bekniyazova hám epidemiolog járdemshisi B. Allambergenov
