Reje-qarjı bólimi Seydullaev Anvarbek Tolibekovich anvar@mail.ru

REJE-FINANS BÓLIMI WAZIYPALARI

• Bólimniń barlıq iskerligi hám xızmetkerlerdiń miynetin shólkemlestiriw;
• Bólimniń jumıs rejelerin dúziw hám olardıń orınlanıwın támiyinlew;
• Bólim maqsetinen kelip shıǵıp bilimlendiriw mákemesinde juwapker bolǵan buwınlardıń jumısın muwapıqlastırıw;
• Ózbekstan Respublikasınıń bilimlendiriwge baylanıslı Nızamları, Prezident Pármanları, Biylikleri, Qararları, Ministrler Kabinetiniń Qararları, Joqarı hám orta arnawlı bilimlendiriw ministrliginiń Kollegiya Qararları, buyrıqları, instrukciyalıq xat, modemogramma hám telefonogrammaları, sonday-aq, institut rektorınıń buyrıqlarınıń orınlanıwın támiyinlew;
• Jańadan jumısqa qabıl etilgen professor-oqıtıwshı, xızmetkerlerge Ózbekstan Respublikası Birden-bir tarif setkasına tiykarlanıp aylıq miynet haqı qoyıp beriw;
• Instituttıń Mámleketlik byudjeti hám kontrakt boyınsha qárejetler smetaların dúziw hám belgilengen tártipte tastıyıqlanıwın támiyinlew;
  Professor-oqıtıwshılar hám xızmetkerlerdiń aylıq miynet haqılarınıń nızamlı belgileniwin támiyinlew;
• Ózbekstan Respublikası Prezidentiniń Pármanı hám Húkimet qararlarına tiykarlanıp miynet haqıları hám basqa da tólemlerdiń ózgeriwi boyınsha smetalardıń óz waqtında dúziliwin hám tastıyıqlanıwın támiyinlew;
• Institut jumısın rejelestiriw hám qarjılandırıwdı ámeldegi normativlik hújjetler tiykarında qáliplestiriliwin támiyinlew;
• Instituttıń Mámleketlik byudjet hám byudjetten tısqarı qarjıları sheńberinde shtatlar kestesin islep shıǵıw hám belgilengen tártipte tastıyıqlawdı ámelge asırıw;
• Shtatlar kestesi tiykarında hár bir xızmetkerdiń lawazım normasın belgilengen nızamlar hám basqa da huqıqıy hújjetler tiykarında belgilewin támiyinlew;
• Byudjet, kontrakt hám xojalıq shártnaması smetaların dúziwdi shólkemlestiriw hám orınlanıwın qadaǵalaw;
• Instituttıń jeke hám de saparǵa shıǵarılǵan buyrıqlarınıń qárejetler bóleginiń tastıyıqlanǵan smetaǵa muwapıqlıǵın qadaǵalap barıw;
• Shereklik hám jıllıq esabatlardıń tayarlanıwın shólkemlestiriw hám Awıl xojalıǵı ministrligine belgilengen múddetlerde usınılıwın támiyinlew;
• Informaciya kommunikaciya texnologiyaların puqta biliw;
• Instituttıń ishki tártip qaǵıydaları, ádep-ikramlılıq qaǵıydaları hám kiyiniw mádeniyatı talaplarına ámel etiw.

Biliwi kerek:

Ózbekstan Respublikasınıń bilimlendiriwge baylanıslı Nızamları, Prezident Pármanları, Biylikleri, Qararları, Ministrler Kabinetiniń Qararları, Joqarı hám orta arnawlı bilimlendiriw ministrliginiń Kollegiya Qararları, buyrıqları, kórsetpe xat, modemogramma hám telefonogrammaları, sonday-aq, institut rektorı buyrıqlarınıń mánisin túsiniw. Kánigelik talapları:

• Joqarı bilimlendiriw mákemelerinde basqarıw lawazımında zárúr bolǵan kásiplik hám shólkemlestiriwshilik qábiletlerine, bilimlendiriw tarawında basshılıq jumıs tájiriybesi hám stajına, jumıs túri hám wákillikleri sheńberinde tiyisli bilim hám kónlikpelerge;
• Úlgili jeke pazıyletlerge-intellekt, mádeniyatlı, jetekshilik, dóretiwshilik qábiletler, ádeplilik, shólkemlestiriwshilik, intakerlik hám isbilermenlik qábiletlerine iye boliw, juwapkershilik sezimi, óz betinshe qarar qabıl etiw hám háreket etiw, isenimli háreket etiw, mákemenin strategiyalıq maqsetlerine erisiwdi támiyinlew ózgesheliklerine;
• Joqarı maǵlıwmatqa iye bolıwı;
• Bólim baǵdarı boyınsha keminde 3 jıl nátiyjeli jumıs stajına ie bolıwı zárúr.

REJE HÁM FINANS BÓLIMI EKONOMISTI (2-KATEGORIYA) LAWAZIM WAZIYPALARI:

• Instituttıń barlıq finanslıq smetaların tayarlaw ushın kerekli maǵlıwmatlardı toplaw hám tallaw;
• Byudjet hám byudjetten tısqarı qarjılardı qárejetler smetasındaǵı statyalar boyınsha tallaw;
• Smetada kórsetilgen qarjılardan maqsetli, durıs hám nátiyjeli paydalanıwdı, artıqsha qárejetlerge jol qoymaw ilajların kóriw;
• Hákimshilik hám xojalıq bólimi xızmetkerleri dizimi jaylasqan kitaptı júrgiziw, xızmetkerlerge tiyisli bolǵan buyrıqların kirgiziw hám xızmetkerler bólimi menen salıstırıw;
• 1-T (miynet) forması boyınsha aylıq hám jıllıq esabatlardı tayarlaw hám belgilengen múddetlerde statistika uyımlarına bólim baslıǵı hám rektor imzası menen usınıp barıw;
• 1-xızmetler forması aylıq hám jıllıq esabatların tayarlaw hám belgilengen múddetlerde wálayatlıq hám qalalıq statistika uyımlarına, wálayatlıq densawlıqtı saqlaw basqarmasına bólim baslıǵı hám rektor imzası menen usınıp barıw;
• Shereklik, jıllıq byudjet esabatların qosımshaları menen (kontingentler boyınsha, fond is haqısı) hár ayda tayarlap barıw hám bólim baslıǵına usınıp barıw;
• Hár ayda institut xızmetkerleriniń aylıq miynet haqıları tabellerin alıw, esap beriw ushın jumıs saatları, tiykarǵı hám orınbasar jumıs birliklerin esaplaw hám buxgalteriya bólimine tapsırıw;
• Aylıq miynet haqılarınıń artıwı múnásibeti menen hákimshilik hám xojalıq bólimi xızmetkerleriniń, úlken ilimiy xızmetkerlerdiń tarifikaciyasın, byudjet boyınsha shtat kestesin tayarlaw hám byudjet stipendiyası muǵdarların esaplaw hám basqa da qárejetlerdi tayarlaw;
• Bólim baslıǵınıń nızamlı tapsırmaların orınlaw;
• Informaciya kommunikaciya texnologiyaların puqta biliw;
• Instituttıń ishki tártip qaǵıydaları, ádep-ikramlılıq qaǵıydaları hám kiyiniw mádeniyatı talaplarına ámel etiw.

Ózbekstan Respublikasınıń bilimlendiriwge baylanıslı Nızamları, Prezident Pármanları, Biylikleri, Qararları, Ministrler Kabinetiniń Qararları, Joqarı hám orta arnawlı bilimlendiriw ministrliginiń Kollegiya Qararları, buyrıqları, kórsetpe xat, modemogramma hám telefonogrammaları, sonday-aq, institut rektorı buyrıqlarınıń mánisin túsiniw.

• Kánigelik talapları:
  Úlgili jeke pazıyletlerge-intellekt, mádeniyatlı, dóretiwshilik qábiletlerge, ádeplilik hám intakerlik qábiletlerine iye boliw, juwapkershilik sezimi, óz betinshe qarar qabıl etiw hám háreket etiw, isenimli háreket etiw, mákemeniń strategiyalıq maqsetlerine erisiwdi támiyinlew ózgesheliklerine iye bolıwı;
• Joqarı maǵlıwmatqa iye bolıwı;
• Óz tarawına tiyisli máseleler boyınsha informaciya hám maǵlıwmatlardan xabardar bolıwı zárúr.

REJE HÁM FINANS BÓLIMI EKONOMISTI (1-KATEGORIYA) LAWAZIM WAZIYPALARI:

• Bólimniń rejeli esabatların tayarlaw hám bólim baslıǵına usınıw;
• Byudjetten tısqarı qarjılar qárejetler smetasınıń joybarın tayarlaw;
• Byudjet hám byudjetten tısqarı qarjılardı qárejetler smetasındaǵı statyalar boyınsha tallaw;
• Smetada kórsetilgen qarjılardan maqsetli, durıs hám nátiyjeli paydalanıwdı, artıqsha qárejetlerge jol qoymaw ilajların kóriw;
• Shereklik, jıllıq tólemli kontrakt hám 4-forma esabatların qosımshaları menen (kontingentler boyınsha, fond is haqısı) hár ayda tayarlap barıw hám bólim baslıǵına usınıp barıw;
• Hár ayda tólemli kontrakt klinikalıq ordinatorlar basshılarına saatlıq miynet haqın yesaplaw hám buxgalteriya bólimine tapsırıw;
• Hár ayda kafedra professor-oqıtıwshıları hám xızmetkerleriniń aylıq is haqiları tabelidi alıw, jumıs saatları, tiykarǵı hám orinbasarlar jumıs birliklerin yesaplaw hám buxgalteriya bólimine tapsırıw;
• Xojalıq shártnama xızmetkerleri dizimi jaylasqan kitaptı júrgiziw hám xızmetkerlerge tiyisli bolǵan buyrıqların kirgiziw hám xızmetkerler bólimi menen salıstırıw;
• Ózbekstan Respublikası Prezidentiniń Pármanına tiykarlanıp aylıq miynet haqıları artıwı múnásibeti menen kontrakt hám xojalıq shártnama xızmetkerleriniń tarifikaciyasın tayarlaw;
• Hár ayda xojalıq shártnaması boyınsha medicina kolledjleri pedagogların qánigeligin arttırıw Orayı oqıtıwshılarına saatlı miynet haqıların esaplaw;
• Ózbekstan Respublikası Densawlıqtı saqlaw ministrligi hám Joqarı hám orta arnawlı bilimlendiriw ministrligi, Wálayat hákimligi tárepinen kelgen buyrıqlar, tapsırmalar hám modemogrammalar boyınsha esabatlardı belgilengen múddetlerde tayarlaw hám bólim baslıǵına usınıw;
• Kafedra baslıqları hám bólim baslıqlarınıń xabarına tiykarlanıp, instituttıń shtat kestesindegi bos shtatların, kafedra yamasa bólim ushın kerekli shtatlarǵa aylandırıw hám almastırıw vedomostların Ózbekstan Respublikası Byudjet Kodeksi talapları tiykarında tayarlaw;
• Bólimdegi barlıq orınlanatuǵın jumıslardıń elektron formaların jaratıw;
• Joqarı shólkemler tárepinen bólimge kelgen buyrıqlar, tapsırmalar, modemogrammalardı óz aldına kitapta dizimge alıw hám orınlanıwı haqqında apparat, monitoring hám ishki qadaǵalaw bólimlerine qaǵaz hám elektron formalarda tapsırıw;
• Bólim baslıǵınıń nızamlı tapsırmaların orınlaw;
• Informaciya kommunikaciya texnologiyaların puqta biliw;
• Instituttıń ishki tártip qaǵıydaları, ádep-ikramlılıq qaǵıydaları hám kiyiniw mádeniyatı talaplarına ámel etiw.
• Biliwi kerek:

Ózbekstan Respublikasınıń bilimlendiriwge baylanıslı Nızamları, Prezident Pármanları, Biylikleri, Qararları, Ministrler Kabinetiniń Qararları, Joqarı hám orta arnawlı bilimlendiriw ministrliginiń Kollegiya Qararları, buyrıqları, kórsetpe xat, modemogramma hám telefonogrammaları, sonday-aq, institut rektorı buyrıqlarınıń mánisin túsiniw.

Kánigelik talapları:

• Úlgili jeke pazıyletlerge-intellekt, mádeniyatlı, dóretiwshilik qábiletlerge iye boliw, ádeplilik hám intakerlik qábiletlerine iye boliw, juwapkershilik sezimi, erkin qarar qabıl etiw qásiyetlerine;
• Joqarı maǵlıwmatqa iye bolıwı;
• Óz tarawına tiyisli máseleler boyınsha informaciya hám maǵlıwmatlardan xabardar bolıwı zárúr.