ILIMGE ITIBAR — KITAP FONDÍN BAYÍTÍWDAN BASLANADÍ

Qaraqalpaqstan awıl xojalıǵı hám agrotexnologiyalar institutında ilim hám bilimlendiriw sapasın arttırıwǵa qaratılǵan jáne bir áhmiyetli baslama ámelge asırıldı.

Instituttıń  “Diyqanshılıq, awıl xojalıǵı eginleri selekciyası” kafedrası professorı A.Sayımbetov hám docent M.Ájiniyazovalar tárepinen Málimleme-resurs orayı fondına studentler, magistrantlar tálim hám ilimiy-izertlew jumıslarında paydalanıwı ushın  “Dehqonchilik” sabaqlıǵınan 10 dana oqıw ádebiyatı tapsırıldı.

Jańa ádebiyatlar – jańa bilimlerge qaray áhmiyetli qádem!
Bul kitaplardan oqıw processinde, óz betinshe bilim alıwda, ilimiy maqalalar, magistrlik dissertaciyaların hám basqa da ilimiy-izertlew jumısların tayarlawda nátiyjeli paydalanıw múmkin.

Bul baslama institut Málimleme-resurs orayınıń oqıw-ilmiy ádebiyatlar fondın bayıtıw menen bir qatarda, jaslardıń kitapqumarlıq mádeniyatın asırıw, óz betinshe izleniw hám ilimiy-izertlew kónlikpelerin rawajlandırıwǵa da xızmet etedi.
          Zamanagóy bilimlendiriwdiń áhmiyetli ólshemlerinen biri — studentke tek ǵana bilim beriw emes, al onı óz betinshe izleniwge hám ilimiy pikirlewge baǵdarlaw bolıp tabıladı. Bul processde sapalı oqıw ádebiyatları úlken áhmiyetke iye.
          Ilimge qaratılǵan hár bir itibar -keleshekke kirgizilgen áhmiyetli investiciya.