Qaraqalpaqstan Awıl xojalıǵı hám agrotexnologiya institutında Qaraqalpaqstan Respublikası Málimleme kitapxana orayınıń huqıqıy maǵlıwmatlar sektorı tárepinen “Beruniy babamızǵa sheksiz húrmet” atamasında ushırasıw keshesi shòlkemlestirildi . Keshege Qaraqalpaqstan awıl xojalıǵı hám agrotexnologiyalar institutınıń birinshi prorektorı R. Ibragimova hám Qaraqalpaqstan Awıl xojalıǵı hám agrotexnologiya institutınıǹ 1-kurs student jasları qatnastı.
Bunda R. Ibragimova Abu Rayxan Beruniydıń ómir jolı, bizge miyras etip qaldırǵan ilim jolındaǵı miynetleri, ullı babamızdıń atı neshe ásirlerden berli qálbimizde jasap kiyatırǵanı, onıń ilim tarawına baylanıslı shıǵarmaları elege shekem jergilikli hám sırt el alımlar tárepinen úyrenilip atırǵanlıǵı haqqında maǵlıwmat berdi.
Kórgizbeli keshemizdi Qaraqalpaqstan Respublikası málimleme kitapxana orayı huqıqıy maǵlıwmatlar sektor baslıǵı Jumaniyazova Nasiba tárepinen, Ózbekstan Respublikası Prezidentiniń “Ullı oyshıl hám alım Abu Rayhon Beruniy tuwılǵanlıǵına 1050 jıllıǵın xalıq aralıq kólemde keń bayramlaw haqqında” ǵı 2022 jıl 25- avgust kúni PQ-361-sanlı qararı qabıl etildi. Qarardıń mazmun-mánisi hám maqseti “Óziniń kem ushıraytuǵın dóretpeleri hám de dúńya júzilik jańa ashılıwları menen jáhán ilimi hám mádeniyatınıǹ rawajlanıwına úlken úles qosqan ullı oyshıl alım, Dáslepki Renessans dáwirdiń bеlgili wákili bolǵan ullı babamız Abu Rayxan Beruniydiń ilimiy miyrasların jáne de tereń úyreniw hám úgit-nasıyatlaw, bul jóneliste izertlewler alıp baratırǵan jetekshi xalıq aralıq ilimiy oraylar menen jaqın sheriklik ornatıw, sonıń menen birge, Abu Rayhan Beruniy tuwılǵanınıǹ 1050 jıllıǵın xalıq aralıq kólemde keń bayramlaw”dan ibarat ekenligin aytıp òtti. Sonıǹ menen birge kitapxana orayı fondında saqlanıp atırǵan Beruniy babаmızdıǹ a’debiyatlarınan tayarlanǵan electron kitap kòrgizbe menen tanıstırdı.