“Insanǵa itibar hám sıpatlı tálim”

2023- “Insanǵa itibar hám sıpatlı tálim” jılına baǵıshlanǵan “TÁLIM SAPASÍ KELESHEK, awıl xojalıǵın mexanizaciyalastırıw hám suw xojalıǵı kadrların tayarlawdıń tiykarı” atamasındaǵı Qaraqalpaqstan awıl xojalıǵı hám agrotexnologiyalar institutınıń Awıl xojalıǵın mexanizatciyalastırıw hám suw xojalıǵı fakulteti professor- oqtıwshılarınıń Ilimiy-metodikalıq seminarı bolıp ótti.

Seminardı Qaraqalpaqstan awıl xojalıǵı hám agrotexnologiyalar institutı rektorı B.Jollibekov ashıp berdi. Onnan soń Fakultet dekanı, docent E.Sultanov Qaraqalpaqstan awıl xojalıǵı hám agrotexnologiyalar institutı hám shet el joqarı oqıw orınları menen baylanıslar hám sheshimler haqqında maǵlıwmat berip ótti.

Seminar dawamında Institutıń xalıq aralıq baylanıslar bólimi baslıǵı E.Abdullaev shet el mámleketleri menen institutımız arasında dúzilgen shartnamalar, usı jıldıń ózinde 9 memorandumǵa qol qoyılǵanlıǵı, instituttıń eń úlken jetiskenlikleriniń bir bolǵanlıǵın aytıp ótti. Biz óz tájriybelerimizdi shet el tájriybeleri menen bólissek úlken nátiyjege erisemiz. Rawajlanǵan mámlekettiń bilim kónlikpelerin ózlerimizge maslastıra alsaq hám bul jerdegi student jaslarımızǵa olardı úyrete alsaq bizdiń úlken jetiskenligimiz dedi sóziniń dawamında.

Seminardı Awıl xojalıǵın mexanizaciyalastırıw hám suw xojalıǵı fakulteti oqıw isleri boyınsha dekan orınbasarı D.Jumamuratov dawam ettirdi. D.Jumamuratov óziniń Rossiya Federaciyası Volgograd qalasında jaylasqan “Volgograd mámleketlik agrar Universiteti”nde mexanizatciya boyınsha toplaǵan bilim kónlikpeleri, ol jerdegi oqıw processi, oqıtiw metodikalı haqqında pikirin bildirdi.