Institutımızda “JASIL MÁKAN” ulıwma milliy joybarı start aldı

“Jasıl mákan” -bul pútkil mámleket boylap abadanlastırıw jumısları alıp barılatuǵın milliy joybar bolıp tabıladı.
“Jasıl mákan” ulıwma milliy joybarı sheńberinde aymaqlarda nál egiw hám abadanlastırıwǵa tiyisli ilajlarda belsendi qatnasıw názerde tutılǵan. Sol ilaj sheńberinde institutımızǵa Ózbekstan Ekologiyalıq partiyası Qaraqalpaqstan Respublikası partiya shólkemi baslıǵı А.Begimova kelip hám student-jaslarǵa bul joybar boyınsha túsindirip òtti.
“Jasıl mákan” ulıwma milliy joybarı sheńberinde egiletuǵın terekler atirapımızdı jasıllıqqa orawı, shırayına shıray qosıwı menen birge mıńlaǵan adamlardıń den-sawlıǵın qorǵawına qaratılǵan.

?“JASIL MÁKAN” ulıwma milliy joybarı ?

?Úlkemizde 20-oktyabr sánesinen 1-dekabr sánesi aralıģında “Áhmiyetli 40 kúnlik” daǵaza etilip, usı tiykarda búgin 29-oktyabr kúni Qaraqalpaqstan awıl xojalıǵı hám agrotexnologiya institutı jámááti, belsendi student-jasları tárepinen paytaxtımız aymaǵı boylap hám institutımızdıń átiraplarında “Jasıl mákan” ulıwma milliy joybarı ámelge asırmaqta.
?Bul joybarda belsendi student-jaslar tárepinen abadanlastırıw hám kóklemzarlastırıw jumısları alıp barılıp, joybar sheńberinde 4000 túp nál egiliwi názerde tutılǵan. “Jasıl mákan” ulıwma milliy joybarı biziń hám siziń ómirińiz ushın ayrıqsha áhmiyetke iye bolıp, qorshaǵan ortalıǵımızdıń tazalıǵı, den sawlıǵımızdıń bekkem bolıwına tiykar jaratıp beredi. Janajan Watanımızdı jasıl mákanǵa aylandırıwda bárshemiz óz úlesimizdi qosayıq hám Watanımızdıń abadanlastırıw jumıslarında belsene qatnasayıq!
❗️“Jasıl mákan” ulıwma milliy joybarı dawam etpekte!