Qaraqalpaqstan awıl xojalıǵı hám agrotexnologiyalar unstitutında ruwxıylıq-aǵartıwshılıq ilajların jánede jetilistiriw hámde bul baǵdardaǵı jumıslardı sistemalı jolǵa qoyıw máselelerine baǵıshlanıp seminar shólkemlestirildi.

Ilajda instituttı sırtqı bahalawdan ótkeriw komissiyası aǵzası, Joqarı bilimlendiriw, ilim hám innovaciyalar ministrligi bas qániygesi   I.Abdirasulov,  Qaraqalpaq mámleketlik universiteti, jaslar menen islesiw boyınsha dekan orınbasarı, komissiya aǵzası I.Djumaniyazov, Qaraqalpaqstan awıl xojalıǵı hám agrotexnologiyalar unstitutı prorektorları,dekan orınbasarları, tyutorlar hám jaslar awqamı jetekshileri qatnastı.

Onda jaslar tárbiyasında ruwxıylıq-aǵartıwshılıq jumıslarınıń áhmiyeti hámde joqarı oqıw orınları tyutorlarınıń iskerligi nátiyjeliligin asırıw máseleleri boyınsha keń túrde túsindirildi.

Ilajda atap ótilgenindey, tálim hám tárbiyanı durıs jolǵa qoyıw ruwxıylıq-aǵartıwshılıq jumıslarınıń durıs shólkemlestiliwi menen baylanıslı.

 Oqıw orınlarında  ruwxıylıq-aǵartıwshılıq ilajların shólkemlestiriwde sotsiyallıq-siyasıy, sotsiyallıq-pedagogikalıq táreplerine ayrıqsha itibar beriw talap etiledi. Máselen, sotsiyallıq-siyasıy tárepi respublikamızda keń túrde ámelge asırılip atırǵan Ózbekstan ǵárezsizligin bekkemlew, xalqtıń bilim dárejesin rawajlandırıw, ullı mámleketti qurıw, ulıwma insanıylıq hám milliy qádiriyatlarǵa tiykarlanǵan puqaralıq jámiyetti qurıw hám onıń ushın ruwxiylıq hám aǵartıwshılıqtı jetilistiriw zárúrligi kelip shıǵadı.