Qaraqalpaqstan awıl xojalıǵı hám agrotexnologiyalar institutında «Keleshekke qádem» arnawlı baǵdarlaması sheńberinde pitkeriwshi studentlerdiń qatnasıwında áhmietli ushırasıw shólkemlestirildi.

 Bul ushırasıwdı Front Office baslıǵı F.K. Sherjanova hám Registrator ofisi bóliminiń studentlerge xızmet kórsetiw menedjeri G.A. Pirniyazova shólkemlestirdi. Ilajdıń tiykarǵı maqseti pitkeriwshi jaslardı hár tárepleme qollap-quwatlaw, olardıń kásiplik rawajlanıwı, sociallıq belsendiligi hám keleshek rejeleri boyınsha baǵdarlawdan ibarat boldı.

 Ushırasıw dawamında joqarı bilimlendiriw sistemasında ámelge asırılıp atırǵan reformalar, student-jaslar ushın jaratılıp atırǵan imkaniyatlar, pitkeriwshilerdiń bántligin támiyinlew, sonday-aq, mámleket tárepinen kórsetilip atırǵan qollap-quwatlawlar boyınsha hár tárepleme maǵlıwmatlar berildi.

 Sonday-aq, jetiskenliklerge erisken pitkeriwshi Oksana Xudayan Asqarovna óziniń jeke tájiriybesi, erisken nátiyjeleri, júz bergen mashqalaları hám olardıń sheshimleri haqqında aytıp, pitkeriwshi jaslarǵa ámeliy usınıslar berdi.

 Bul ushırasıw pitkeriwshi jaslardıń óz aldına anıq maqsetler qoyıwı, bar imkaniyatlardan nátiyjeli paydalanıwı hám keleshektegi jumısına tayarlıq kóriwinde ayrıqsha áhmiyetke iye boldı.