Xalıqaralıq birge islesiw – Professor-oqıtıwshılarımız sırt elde tájiriybe arttırmaqta
Usı jıldıń 12-oktyabrden baslap Qaraqalpaqstan awıl xojalıǵı hám agrotexnologiyalar institutınıń 11 professor-oqıtıwshıları Qazaqstan Respublikasındaǵı abıraylı M.Avezov atındaǵı Qubla Qazaqstan izertlew universitetinde xızmet saparında.
Sapar dawamında qamtıp alınatuǵın tiykarǵı baǵdarlar:
Aldınǵı pedagogikalıq texnologiyalar hám tájiriybe almasıw: Professor-oqıtıwshılarımız qabıllawshı universitettiń zamanagóy oqıw-metodikalıq bazası, sanlı bilimlendiriw platformaları hám kredit-modul sistemasında oqıtıwdıń innovaciyalıq metodikaları menen jaqınnan tanıspaqta.
Agroklaster hám zamanagóy agrotexnologiyalar: Awıl xojalıǵında suwdı únemlewshi texnologiyalar, topıraq melioraciyası, agrosanaatta resurs únemlewshi usıllar hám zamanagóy laboratoriyalıq izertlewler boyınsha seminar hám sheberlik sabaqları shólkemlestirilmekte. Bul sapar etiw pedagog kadrlarımızdıń potencialın arttırıw menen birge, xalıqaralıq ilimiy birge islesiw baylanısların jańa basqıshqa alıp shıǵıwǵa xızmet etedi.
