Qaraqalpaqstan awıl xojalıǵı hám agrotexnologiyalar institutı 1-kurs student qızları arasında  «Agrar arıwları» kórik tańlawınıń ekinshi basqıshı bolip ótti.

Tańlawdı instituttıń jaslar máseleleri hám ruwxıylıq-aǵartıwshılıq máseleleri boyınsha birinshi prorektorı R.Ibragimova aship berdi hám oqıw ornınıń tálim-tárbiya, ruwxıylıq-aǵartıwshılıq jumıslarındaǵı jetiskenlikleri hám onda hayal-qızlardıń ornı haqqında aytıp ótti hám qatnasıwshılarǵa áwmet tiledi.

Qatnasıwshılar ózlerin tanıstırıw, aktyor yaki aktrısalarǵa parodiya, erkin tema shártleri boyınsha ózara bellesti hám ózleriniń qábiletin, ziyrekligin hám sheberligin kórsetti.

Har bir shárt boyınsha tóreshiler qatnasıwshılardı bahalap bardı hámde joqarı ball toplaǵan qatnasıwshılar yaǵniy zooinjeneriya fakulteti jipekshilik ta’lim baǵdarı studenti A.Eltayeva 1-orındı, meva-sabzavotshılıq, awıl xojalıǵı ónimlerin saqlaw hám qayta islew texnologiyası fakulteti yurispredensiya tálim baǵdarı studenti  U.Genjemuratova 2-orındı, agrobiologiya hám ósimliklerdi qorǵaw  fakulteti agroximiya tálim baǵdarı studenti Z.Saparmuratova 3-orındı iyeledi.

Tańlaw juwmaǵında institut rektorı E.Tóreniyazov jeńimpazlardı jetiskenligi menen qutlıqladı hámde ziyrek, qábiletli jaslar institutımizdıń maqtanıshı, jaslardıń joqarı bilim hám qábilet iyesi bolip, ullı keleshegimiz tiregi bolıwına isenim bildirdi. Bunıń ushın mámleketimizde, oqıw ornımızda jeterli sharayatlar jaratılǵanlıǵı, tek jaslardan bilim aliw, bos waqıtınan únemli paydalanıw talap etiletuǵınlin atap ótti.

Ilaj sońında qatnasıwshılarǵa “Diplom”, “Húrmet jarlıǵı” hám estelik sawǵaları tapsırıldı.