Qaraqalpaqstan awıl xojalıǵı hám agrotexnologiyalar institutında
2022/2023-oqıw jılı dawamında ótkerilgen ruwxıylıq-aǵartıwshılıq ilajlar haqqında
MAǴLÍWMAT
Qaraqalpaqstan awıl xojalıǵı hám agrotexnologiyalar institutı jıynalıslar zalında “Bilimler kúni”ne arnalǵan keń quramlı jıynalıs bolıp ótti. Ilajdıń bas qaharmanları instituttıń 1-basqısh studentleri boldı. Jıynalıstı rektor a.x.i.d. prof. E. Sh. Toreniyazov baslap berdi. Birinshi kurs studentlerin qutlıqlaw ushın , eń húrmetli qonaq retinde Qaraqalpaqstan Respublikası Ministrler Keńesi baslıǵınıń orınbasarı D. Qayipov sózge shiqtı hám studenlerdıń Qaraqalpaqstan awıl xojalıǵı hám agrotexnologiya institutına oqıwǵa qabıl etiliwi, bálki turmısdaǵı birinshi juwapkerli qádem ekenin aytıp ótti.
Qaraqalpaqstan awıl xojalıǵı hám agrotexnologiyalar institutında jańa oqıw jılınıń birinshi kúninde ǵárezsizligimizdiń 31 jıllıǵı múnasábeti menen “Jańa Ózbekstanda insan salawatı, millet mápi ullı qádiriyat” uranı astında ǵárezsizlik sabaqları oqıtıldı, bul mámleketimiz jáne de rawajlanıwı hám gúlleniwine múnásip úles qosılıwına qaratılǵan.
Sabaqlarda ǵárezsizlik xalqımızǵa milliy mámleketshilikti qayta tiklew, úrp-ádet hám dástúrlerimizdi, ullı babalarımızdıń múqaddes atların qayta tiklew huqıqın bergen bibaha baylıq ekenligin , jaslar ańlap jetiwine bólek itibar qaratıldı. Insan huqıq hám erkinliklerin qorǵaw, saw hám bárkámal áwladtı jetik insan darejesine jetkiziw ullı maqsetimiz.
15-sentyabr kúni Qaraqalpaqstan awıl xojalıǵı hám agrotexnologiyalar institutı májlisler zalında “Azon qatlamı – jer qalqanı” atamasındaǵı is ilajı ótkerildi. Bunda Ózbekstan Respublikası Aral boyı máselelerin rawajlandırıw komiteti baslıǵı orınbasarı B. Matmuratov, Ózbekstan Respublikası Oliy Majlis Nızamshılıq palatası deputatı L. Seytova, Ózbekstan Ekologiyalıq partiyası Qaraqalpaqstan Respublikası partiya shólkemi Atqarıw Keńesi baslıǵı А.Begimova hám de Ózbekstan Ekologiyalıq háreketi Qaraqalpaqstan menen birgelikte ótkerildi.
22-sentyabr kúni Qaraqalpaqstan awıl xojalıǵı hám agrotexnologiya institutında «Jaslar menen islesıw, ruwhıylıq xam aǵartuwshılıq» bolimi hám Jaslar awqamı jetekshisi basshılıǵında birge islesuwshi sholkemler menen “Bes baslama olimpiyadası“ sheńberinde ” Jas kitapqumar“ tańlawı ótkerildi”.Sonday-yaq ótkerilgen tańlaw birneshe mıńlaǵan jaslardı qamtıǵan “Jas kitapqumar“ tańlawınıń máhálle basqıshi óz juwmaǵına jetti. Endıgı tańlaw náwbetı sektor basqıshlarına.
4-oktyabr Tyutorlıq iskerligi engiziliwi, Joqarı Oqıw Orinlarinda tyutorlıq iskerligin shólkemlestiriw tártipleri, tyutırdıń maqseti, wazıypaları hám basqa da reformalardın mazmun-mánisi haqqında túsinik beriw ushın Qaraqalpaqstan Mámleketlik Universitetinde seminar-trening bolıp òtti. Bul oqıw-seminarda institutımız tyutorları da qatnasıp kerekli maǵlıwmatlarǵa iye boldı.
5 -oktyabr institutımız oqıtıwshısı Z. Mambetniyazova «IX-XII asir Aziya xalıqları mádeniyatı» atamasında ashıq sabaq òtkerdi. Bul sabaqta oqıtıwshılar IX-XIII ásirdiń baslarında Mawarawnnaxr hám Xorezmniń mádeniy turmısı hám ruwxiy oyanıwı, Ullı ata-babalarımızdıń dúnyada tutqan áhmiyeti haqqında maǵlıwmatlar menen tanıstı, bul ulamalarımız benen maqtanısh etiwdi olarǵa múnásip áwlad bolıp jetisiwine ańlawına tùrtki boldı.
6-oktyabr jetkinshekti patriotlıq ruwxında tárbiyalaw, oqıwshılardıń dúnyaǵa kóz qarasın keńeytiw, mádeniyatin hám ózi ańǵarıw maqsetinde institutımız tyutorlar tárepinen Igor Savitskiy atındaǵı Mámleket kórkem óner muzeyine ekskursiya dúzildi.
Kórgezbeler menen jaqinnan tanısqan institut student-jasları ótken zamanǵa aqlan sayaxat etti, sol waqıttaǵı adamlardıń turmıs tárizi menen tanısdı. Muzey ekspozitsiyasi hám qızıqlı gúrriń oqıwshılardı bıyparwa qaldırmadi, olar mámleketımızdıń bay tariyxı, kem ushraytuǵın buyımlar hám hújjetlerdi kóriw múmkinshiligine iye boldı.
Ekskursiya shólkemlestiriwshileri student-jaslarına muzey tekǵana qádiriyatlar bazası emes, bálki tariyxqa húrmet, qaharmanlǵa sıylasıq, ana mádeniyatına muhabbat, aldınǵı áwladlardan miyraslar bolıp qalǵan barlıq zatlarģa húrmet penen qaraw sıyaqlı tùsiniklerdi jetkerip berdi.
Institutımız birinshi prorektorı R.Ibragimovanıń basshılıǵında profilaktika jumısların alip baruw ushin Nókis qalası JMB 4- sanlı IIB baslıǵı polkovnik A. Utenazarov, Nókis qalası XPB baslıǵı B.Orazov hám institutımız ispektorı T. Kenesbayev penen birgelikte institutımız student-jaslar menen profilaktikalıq ilaj ótkerildi.
Sáwbet tiykarında ámelge asırılǵan , jınayat isler boyınsha hám jınayatlı juwapkerlik máselelerine bólek toqtalıp ótildi. Profilaktikalıq sáwbette inspektorlar tárepinen basqarıw tártipti buzıwın hám olar ushın juwapkerlik tuwrısında sóz aytıldı hám de studentlerge Joqarı Oqıw Orınlarında jeke qàwipsizlik hám qàwipsiz minez-qulıq qaǵıydaları haqqında eskertip ótildi.