Ózbekstan Respublikası Joqarı hám orta arnawlı bilimlendiriw ministrliginiń 1998-jıl 9-dekabr` 345-sanlı buyrıǵı tiykarında tastıyıqlanǵan Joqarı oqıw ornınıń ilimiy keńesi haqqındaǵı Nızam tiykarında islep shıǵılǵan Qaraqalpaqstan awil xojaliǵi hám agrotexnologiyalar instituti keńesi haqqındaǵı

NÍZAM

  1. Joqarı bilimlendiriw haqqındaǵı Nızamǵa muwapıq, institut iskerligine tiyisli tiykarǵı máselelerdi kórip shıǵıw ushın rektor basshılıǵında Keńesi shólkemlestiriledi.
  2. Institut Keńesiniń tiykarǵı maqseti – institut jámaatı is-háreketlerin tómendegi máselelerdi orınlawǵa qaratılǵan iskerlikti birlestiriwden ibarat.

Kadrlar tayarlaw Milliy baǵdarlamasın ámelge asırıw, zamanagóy pedagogikalıq-texnologiya hám kompyuterlestiriw tiykarında joqarı sapadaǵı bakalavr hám magistrlar tayarlawdı támiyinlew,  ilimiy izertlewdi taǵıda rawajlandırıw, jaslarda watan súyiwshilik, puxaralıq, óz watanı menen maqtanıw, ruwxıylıq ham aǵartıwshılıqtı qáliplestiriw.

Nızam boyınsha institut Keńesi quramına tómendegiler kiredi: Direktor, rektor orınbasarları, fakul`tet dekanları, qánigelik kafedralar baslıqları, bólim baslıqları hám kásiplik awqam baslıǵı.

  1. Institut Keńesi quramı institut rektorınıń buyrıǵı menen tastıyıqlanadı. Hár oqıw jılınıń basında, hár qıylı sebeplerge baylanıslı institut Keńesi aǵzalıǵınan shıǵarılǵanlar orınlarına, basqa aǵzalar saylanadı yamasa nızam boyınsha kiritiledi.
  2. Institut Keńesi wazıypaları:

– Kadrlar tayarlawdıń Milliy baǵdarlamasına muwapıq, mámleketlik tálim standartları, oqıw rejeleri hám dástúrleriniń orınlanıwın kórip shıǵıw;

– institutdıń oqıw, ilimiy-izertlew hám ruwxıy-aǵartıwshılıq isleri haqqındaǵı esabatları tıńlanadı.

– kafedralardaǵı oqıw processiniń shólkemlestiriliwi, xújjetlerdiń júrgiziliwi hám ilimiy islerdiń alıp barılıwı boyınsha islenip atırǵan jumıslardıń nátiyjeleri boyınsha esabat tıńlanadı.

– bólimlerdegi ijra intizamınıń orınlanıwı barısı haqqında esabatlar tıńlanadı.

– ilimiy-izertlew, ruwxıy-aǵartıwshılıq isleriniń rejelerin hám professor-oqıtıwshılar quramınıń qánigeligin jetilistiriw máselelerin dodalaydı.

– sabaqlıq, oqıw qollanba hám ilimiy, oqıw-metodikalıq ádebiyatların tayarlaw hám baspadan shıǵarıw islerin kórip shıǵadı;

– «Joqarı oqıw orınları pedagogikalıq xızmetkerlerin jumısqa qabıl etiw tártibi haqqında»ǵı Nızamǵa muwapıq, professor-oqıtıwshılar lawazımların iyelew ushın tańlawlar ótkeredi;

– professor, docent ilimiy dárejesin alıwǵa talabanlardıń hújjetlerin kórip shıǵadı hám belgilengen tártipte ilimiy dáreje tastıyıqlawǵa usınadı;

– belsendi talabalar quramınan hám professor-oqıtıwshılar quramınan talabanlardı hár qıylı jamǵarmalar arqalı shet el joqarı oqıw orınlarına stajirovkaǵa usınıs etedi;

– belsendi talabalardı ataqlı stipendiyalar alıwǵa usınadı;

– ilimiy iskerlik penen shuǵıllanıwshı talabanlardıń dissertaciya temaların tastıyıqlaydı hám ilimiy basshısın bekitip beredi;

  1. Institut Keńesi óz jumısın hár oqıw jılı ushın islep shıǵılǵan is-rejege muwapıq ámelge asıradı. Is-reje institut rektorı tárepinen tastıyıqlanadı.
  2. Oqıw hám ilimiy islerdiń barlıq máseleleri boyınsha institut Keńesiniń qararları ashıq dawıs beriw tártibinde kópshiliktiń dawısı menen qabıl etiledi. Professor-oqıtıwshılar quramı lawazımların iyelewge ótkeriletuǵın tańlawlar, professor hám docent ilimiy dárejelerdi beriwge usınıslar bolsa, jasırın dawıs beriw jolı menen belgilengen tártipte qabıl etiledi.
  3. Institut Keńesi qararları, institut rektorı tastıyıqlanǵanınan keyin kúshke kiredi.
  4. Institut Keńesi májilisleri protokol menen rásmiylestiriledi. Protokollar institut Keńesi baslıǵı hám institut Keńesi xatkeri tárepinen imzalanadı.
  5. Institut Keńesi baslıǵı turaqlı túrde májilis qararlarınıń orınlanıwı boyınsha tekseriwlerdi shólkemlestiredi hám institut Keńesi aǵzalarına qabıl etilgen qararlardıń orınlanıwı haqqında xabar beredi.