QARAQALPAQSTAN AWIL XOJALIǴI HÁM AGROTEXNOLOGIYALAR INSTITUTI

  Ózbekstan Respublikası Prezidentiniń 1992–jıl 28–fevraldaǵı «Respublikada jańa oqıw orınların shólkemlestiriw haqqında»ǵı Pármanına, Ózbekstan Respublikası Ministrler Keńesiniń 1992-jıl 11-marttaǵı qararı hámde Ózbekstan Respublikası Joqarı hám orta arnawlı bilimlendiriw ministrligi kollegiyasınıń 1992-jıl 26-aprel`degi №4/5 qararına tiykarlanıp, Qaraqalpaq mámleketlik universiteti awıl xojalıǵı ekonomika fakul`teti bazasında, Tashkent mámleketlik agrar universitetiniń Nókis filialı shólkemlestirildi.

     Ózbekstan Respublikası Ministrler Kabinetiniń «Ózbekstan Respublikası Joqarı oqıw orınları sistemasın jetilistiriw xakkında»ǵı 1995-jılı 3-iyun`daǵı 211-sanlı qarar 1-punktiniń Tashkent mámleketlik agrar universitetiniń Nókis filialı Qaraqalpaq mámleketlik universitetinin agrar fakul`teti bolıp qayta shólkemlestirilip, 1995–2003–jılları usı universitettiń agrar fakul`teti esabında, kadrlarǵa bolǵan talabı, materiallıq-texnikalıq jaǵdayları jaqsılandı.

       Ózbekstan Respublikası Ministrler Kabinetiniń «2003-2004 – oqıw jılları Ózbekstan Respublikasınıń Joqarı oqıw orınlarına qabıllaw haqqında»ǵı 2003-jıl 14-iyun` 269-sanlı qararı menen Berdaq atındaǵı Qarakalpaq mámleketlik universitetiniń agrar fakul`teti bazasında Tashkent mamleketlik agrar universitetiniń Nókis filialı bolıp, qaytadan jumıs baslaǵan birden-bir oqıw ornı, jıllar dawamında materiallıq jaqtan bayıttırıldı, ilimiy kadrlar tayarlanıp professor-oqıtıwshılar menen tolıqtırıdı.

         Ózbekstan Respublikası Ministrler Kabinetiniń 03.09.2004-jıl 415-sanlı «Respublika awıl hám suw xojalıǵı ushın joqarı mamanlı kadrlar sistemasın jetilistiriw haqqında»ǵı qararına muwapıq, filialdıń jańa strukturası tastıyıqlanıp, sońǵı jıllarda payda bolǵan talaplardı esapqa alǵan halda jańalanıwlar júz berip atırǵan rawajlanıw tariyxına iye.