Buyırtpalar portfelin qáliplestiriw, pitkeriwshilerdi jumısqa bólistiriw

hám monitoring bólimi

Bólim baslıǵı: Berdimuratov Marat Esemuratovich Telefon: (+99891) 381-67-81 Elektron mánzil: mberdimuratov8@gmail.com Qabıllaw kúnleri: Xar kúni

Buyırtpalar portfelin qáliplestiriw, pitkeriwshilerdi jumısqa bólistiriw hám monitoring bólimi jumısları haqqında maǵlıwmat

– Joqarı oqıw ornınıń “Buyırtpalar portfelin qáliplestiriw, pitkeriwshilerdi jumısqa bólistiriw hám monitoring bólimi” xızmeti Ózbekstan Respublikası Konstituciyası, “Bilimlendiriw haqqında”ǵı Nızam Ózbekstan Respublikası Prezidentiniń ekonomika tarmaqların jetik kadrlar menen támiynlew tuwralı qarar hám pármanları, hárekettegi miynet Kodeksi hám ámeldegi nızamılıq hám bilimlendiriw tarawındaǵı tiyisli normativ-huquqıy hújjetler tiykarında is alıp baradı.

Buyırtpalar portfelin qáliplestiriw, pitkeriwshilerdi jumısqa bólistiriw hám monitoring bóliminiń maqset hám wazıypaları:

– joqarı oqıw orınlarında tayarlanǵan joqarı jetik kadrlarǵa kárxana, jumıs orınları hám shólkemlerge bolǵan zárúrlikti úyreniw tiykarında maǵlıwmatlar bankin qáliplestiredi;

– bilimlendiriw tarawında bazar múnásibetlerin rawajlandırıw hám quramalastırıwǵa kómeklesiw, jas qánigelerge bolǵan talap kórsetkishleri tiykarında pitkeriwshi bakalavr hám magistr ushın real “buyırtpalar portfelin” qáliplestiriw;

– tutınıwshılardı básekiles qániygeler menen támiynlew boyınsha uzaq múddetli hám jıllıq shártnamalar dúziw;

-hár jılı belgilengen múddette ministrliktiń arnawlı kommissiyasına joqarı oqıw orınlarınıń usı jıldaǵı pitkeriwshileri haqqında tálim baǵdarları (qániygelikler), jumısqa jollanatuǵın ministrlik, mekeme (kárxana hám shólkemler) kesiminde qáliplestirilgen maǵlıwmatlardı usınıw;

– pulı bilimlendiriw xızmetlerin shólkemlestiriw esabınan bazar ekonomikası sharayatında joqarı oqıw orınlarınıń básekisin arttırıw;

– pitkeriwshini jumısqa bólistiriwde tutınıwshılar hám qániygelik kafedralardıń jas qánigeler boyınsha usınısların kiritiw, bar múmkinshiliklerden kelip shıqqan halda itibarǵa alıwǵa erisiw;

– tólem shártnama tiykarında bilim alıp atırǵan talaba yamasa islep shıǵarıw kárxanaları menen hár túrli shártnamalar dúziw;

– joqarı oqıw orınlarınıń pitkeriwshilerin jumısqa bólistiriw boyınsha kommissiyanı shólkemlestiriw hám juwmaqlawshı bólistiriwdi ótkerip, onıń nátiyjeleri boyınsha pitiriwshilerdiń jeke qaytnamasın dúziw hám de ulıwmalastırıw;

– bólistiriw kommissiyası tárepinen jumısqa bólistirilgen jas qániygelerden túsken arzalardı kórip shıǵıw hám sheshim qabıl qılıw, zárúr hám tiykarlanǵan jaǵdaylarda qayta bólistiriw yamasa ǵárezsiz túrde jumısqa jaylastırıw procesin ámelge asırıw ushın joqarı oqıw ornınıń kommissiyasına múráját etiw;

-usı jılda hám ótken jıllar dawamında jumısqa jaylasqan jas qániygeler menen qayta baylanıslar ornatıw, zárúr bolǵan jaǵdaylarda olarǵa ámeliy járdemler kórsetiw, másláhátler beriw hám de jumıs alıp barıwdaǵı nátiyjelerin ulıwmalastırıw;

– jańa oqıw jılı qabıllaw rejesiniń orınlanıwı (mámleket grantları hám tólem-kontrakt boyınsha qabıl rejesi, túsken arzalar, konkurs, qabıl etilgen talabalar sanı, olardıń kurslar, tálim baǵdarları (qániygelikler) boyınsha bólistiriliwi, oqıtıw tilleri hám,t,b) haqqında maǵlıwmatlar bankin jaratıw;

– jańa oqıw jılında mámleketlik grant tiykarında qabıl qılınǵan talabalar menen joqarı oqıw ornıar asında oqıwdı pitkergennen soń jumısqa bólistirilgen jerinde 3 jıl islep beriwi haqqında shártnamalar dúziw;

– jumıs beriwshi (tutınıwshılarǵa) ǵalaba xabar quralları (gazeta, jurnallar, radio, televidenie, elektron baylanıs, veb-sayt) arqalı pitiriwshiler haqqında (wálayatlar boyınsha tálim baǵdarları, qániygelikler kesiminde) maǵlıwmatlardı járiyalaw;

– kadrlarǵa bolǵan real zárúrlikler hám pitkeriwshilerdi juwmaqlawshı jumısqa bólistiriw nátiyjeleri haqqındaǵı maǵlıwmatlardı tiyisli ministrlik (mekeme)lerdiń arnawlı kommissiyası hám de Joqarı xám orta arnawlı bilimlendiriw ministrligine maǵlıwmatlar usınıw;

– baklavriat jónelisleri hám magistratura qániygelikleri boyınsha pitkeriwshilerdiń imkaniyatları hám ústinliklerin  kórsetiw maqsetinde joqarı oqıw ornınıń respublika, aymaqlıq hám xalıqaralıq kórgizbeler yarmarkalarında qatnasıwın támiynlew.