Kafedra mudiri: |
Abdiyeva Gulmira Muratbayevna |
|
Telefon: |
+99897-561-83-26 |
|
E-mail: |
«Awıl xojalıǵı ónimlerin saqlaw, dárilik ósimliklerdi jetistiriw hám dáslepki
qayta islew texnologiyası» kafedrasınıń tariyxı
Tashkent mámleketlik agrar universiteti Nókis filialı 2003 jılı shólkemlestirilgende kafedra “Awıl xojalıǵı ónimlerin saqlaw, kayta islew, miywe-ovosh eginleri selekciyası hám tuqımgershiligi” dep atalıp, kafedra baslıǵı lawazımında awıl xojalıǵı ilimleriniń kandidatı U.Abıllaev, 2004 jıldıń 3-sentyabrinen kafedra «Awıl xojalıǵı ónimlerin tayarlaw, saqlaw hám qayta islewdi shólkemlestiriw» dep qayta ataldı hám kafedra baslıǵı lawazımında awıl xojalıǵı ilimleriniń kandidatı, docent Z.S.Sultanova, 2016 jıldıń 9-sentyabrinen biologiya ilimleriniń kandidatı X.Q.Matjanova kafedra baslıǵı lawazımında jumıs alıp bardı.
Ózbekstan Respublikası Prezidentiniń 2018-jıl 8-may kúngi Tashkent Mámleketlik Agrar Universitetinde joqarı maǵlıwmatlı kadrlar tayarlaw sistemasın túpten jetilistiriw is ilajları haqkındaǵı PQ – 3704 sanlı qararına tiykarlanıp «Awıl xojalıq ónimlerin saqlaw, dárilik ósimliklerdi jetistiriw hám dáslepki qayta islew texnologiyası» kafedrası etip qayta dúzildi hám kafedra baslıǵı etip awıl xojalıq ilimleri filosofiya doktorı (PhD) R.O.Yusupov tayınlandı.
Ilim menen tálimdi islep shıǵarıw menen birlestiriw maqsetinde innovacion birge islesiw sheńberinde tómenede atı kórsetilgen kárxanalar menen shártnamalar duzilgen: «Xojeli paxta tazalaw» akcionerlik jámiyeti, «Xalqabad paxta tazalaw» akcionerlik jámiyeti, «Taxiatash dán ónimleri» AJ, «Qaraqalpaq dán ónimleri» AJ hámde onıń Nókis hám Qońırat filialları, «Tórtkúl dán ónimleri» A.J., «Shımbay dán ónimleri» AJ , «Nukus Delishe» sút ónimleri akcionerlik jámiyeti.
Kafedramızda 2018 jılda bir awıl xojalıǵı ilimleri doktorı hám bir awıl xojalıǵı ilimleri boyınsha filosofiya doktorı óz dissertaciyaların tabıslı qorǵap shıqtı. Kafedra baslıǵı R.O.Yusupov 06.01.09-Ósimliklerdi qorǵaw baǵdarı boyınsha «Qawın shıbınınıń biologiyası, zıyanı hám oǵan qarsı gúres ilajların islep shıǵıw» temasında filosofiya doktorlıq (PhD) dissertaciyasın tabıslı juwmaqladı.
Awıl xojalıǵı ilimleri kandidatı, docent Z.S.Sultanova: 06.01.08 – Ósimlikshilik baǵdarı boyınsha “Qaraqalpaqstan Respublikası sharayatında jumsaq biydaydıń zúráátliligin kóbeytiw hám dán sapasın jaqsılıw tiykarları” temasında doktorlıq dissertaciya jumısın tabıslı juwmaqladı.
Kafedrada jámi 9 professor – oqıtıwshılar, sonnan: 1 awıl xojalıǵı ilimleri doktorı, professor Z.Sultanova, 1 awıl xojalıǵı ilimleri kandidatı, docent A.Seytmusaev, 1 awıl xojalıq ilimleri filosofiya doktorı (PhD) R.Yusupov hám 1 biologiya ilimleri boyınsha filosofiya doktorı (PhD) G.Abdiniyazova hámde 1 – aǵa oqıtıwshı M.Karimullaeva, 4 – assistentler G.Abdieva, J.Sultanov, I.Durshimbetov, Yu.Mamutovlar studentlerge bilim berib kelmekte.
Tálim baǵdarları:
Bakalavr tálim baǵdarı:
- 5410500 – Awıl xojalıq ónimlerin saqlaw hám dáslepki islew texnologiyası
- 5411100 – Dárilik ósimliklerdi jetistiriw hám qayta islew texnologiyası
Professor –okıtıwshılar quramı
- Ilim doktorı 1
- ilim kandidatı, docent: 1
- a.x.i.f.d (PhD) 1
- b.i.f.d (PhD) 1
- aǵa oqıtıwshı 1
- assistentler 4