Qaraqalpaqstan awıl xojalıǵı hám agrotexnologiyalar institutınıń kishi májilisler zalında Isbilermenler háreketi Ózbekstan Liberal-demokratiyalıq partiyası Qaraqalpaqstan Respublikalıq Keńesiniń shólkemlestiriwi menen Ózbekstan Respublikası Prezidenti Sh.Mirziyoevtiń «Yangi Ózbekiston Strategiyasi» atlı kitabın student jaslar arasında úgit-násiyatlaw, sonday-aq, birinshi márte saylawlarǵa qatnasıp atırǵan jaslarǵa saylaw nızamshılıǵı boyınsha túsinikler beriwge baǵıshlanǵan ilaj bolıp ótti.

Oǵan Ózbekstan Respublikası Oliy Majlisi Nızamshılıq palatası deputatları, partiya belsendileri hám institut student jasları qatnastı.

Ilajdı Isbilermenler háreketi Ózbekstan Liberal-demokratiyalıq partiyası Qaraqalpaqstan Respublikalıq Keńesiniń bólim baslıǵı N. Turemuratova ashtı hám basqarıp bardı.

Onda Ózbekstan Respublikası Oliy Majlisi Nızamshılıq palatası deputatı M. Ibragimov   Ózbekstan Respublikası Prezidenti Sh.Mirziyoevtiń «Yangi Ózbekiston Strategiyasi» atlı kitabınıń mazmun-mánisi hám onda alǵa qoyılǵan maqset hám wazıypalar jóninde ilaj qatnasıwshılarına keń túsinik berdi hám jaslardıń ózlerin qızıqtırǵan sorawlarına juwaplar berdi.

Sonday-aq, ilajda Ózbekstan Respublikası Oliy Majlisi Nızamshılıq palatası deputatı  B. Aldamuratov Ózbekstan Respublikasınıń saylaw nızamshılıǵı hám Prezident Sh.Mirziyoevtiń Qaraqalpaqstanlı saylawshılar menen ótkerilgen ushırasıwındaǵı sóz etken áhmiyetli máseleleri  tuwralı student jaslarǵa keń túsinikler berip, olardıń sorawlarına juwaplar qaytardı.

Óz gezeginde student jaslar da ilajdan alǵan tásirleri hám Prezident saylawına belsene qatnasıw  boyınsha óz pikir-usınısların bildirdi.

Qaraqalpaqstan awıl xojalıǵı hám agrotexnologiyalar institutı Málimleme  xızmeti