Yaponiya menen jańa proektler haqqında sáwbetlesiwler alıp barıldı

2022-jıldıń 18-yanvar kúni sırt el ilimiy-izertlew institutları menen onlayn ushırasıw shólkemlestirildi. Ushırasıwǵa Qaraqalpaqstan awıl xojalıǵı hám agrotexnologiyalar institutınıń Ilimiy isler hám innovaciyalar boyınsha prorektorı B.Jollıbekov, Yaponiyanıń Tokiwa Phytochemical kompaniyası wákilleri, Tokio awıl xojalıǵı hám texnologiyalar universiteti, Shova universiteti professor-oqıtıwshıları hám Ózbekstannıń Yaponiyadaǵı Elshixanası wákilleri qatnastı.

Onlayn sáwbetti intitutımızdıń Ilimiy isler hám innovaciyalar boyınsha prorektorı B.Jollıbekov baslap berdi hám jıynalıs qatnasıwshılarına házirgi waqıtta intitutımızda alıp barılıp atırılǵan xalıqaralıq proektler haqqında maǵlıwmat berdi. Óz náwbetinde Yaponiyalı wákiller ózleriniń bul tarawda ámelge asırıp atırǵan isleri haqqında maǵlıwmat berdi.

Onlayn ushırasıwda keleshekte Ózbekstan hám Qaraqalpaqstanda dárilik ósimliklerdi jetistiriw hám olardı farmacevtika tarawında keń qollaw boyınsha ilimiy isler alıp barıw boyınsha dáslepki kelisiwge erisildi hám birgelikte qospa proektler ámelge asırıw rejelestirildi.