Zıyanlı illetlerge qarsı gúres.

Qaraqalpaqstan awıl xojalıǵı hám agrotexnologiyalar institutında “Jat ideyalarǵa qarsı gúres” temasında ruwxıy- aĝartıwshılıq úgit-násiyatlaw ilajı bolıp ótti.
Ilajdı institutımizdıń birinshi prorektori R. Ibragimova hám Jaslar menen islesiw , ruwxıy-aĝartıwshılıq bólimi baslıǵı M. Tlegenov ashıp berdi hám kelgen miymanlar menen tanıstırdı. Ilajĝa
Ózbekstan Respublikası Ministrler Keñesi janındaǵı xalıq aralıq ilim izertlew orayı úlken ilimiy qániygesi J. Jumaev, S. Abduvoitov, Dinge sıyınıw jumısları boyınsha shólkemniń Qaraqalpaqstan Respublikası aymaqlıq basqarmasınıń bas qániygesi X. Nezamatov hám student jaslar qatnastı.

Ilaj dawamında student jaslarǵa Zıyanlı illetlerge qarsı gúres ideyası tiykarında “Imam Buxariy miyrasları jat ideyalarǵa qarsı” temasında lekciyalar oqıp esittirildi. Social siyasiy processlerge Diniy tús beriliwi, jalǵan ideyalardıñ diniy qadriyatlar sıpatında aytılıwı hám xalıq arasında nadurıs isenim sińdiriliwinıń aldın alıw, milliy hám diniy qadriyatlarǵa húrmetti jáne de asırıw, jaslar tálim tárbiyasına unamlı itibar qaratıw, Jámiyette zıyanlı illetlerge qarsı gúres -ullı ideya tiykarında dinniń adamgershilik, jaqsı issheñlik hám tınıshlıq sıyaqlı pazıyletlerin hám de diniy keñpeyillik ruwxın  keń en jaydırıw hám de social ruwxıy ortalıq turaqlılıǵın hám nızam ústinligın támiynlew maqsetinde ótkerildi.