Shayıra apamız Altınǵúl Óteniyazova menen ushrasıw.

Qaraqalpaqstan awıl xojalıǵı hám agrotexnologiyalar institutında Jańa jıl múnásibeti menen topar tyutorları basshılıǵında, shayıra apamız Altınǵúl Óteniyazova menen ushrasıw shólkemlestirdi.

Ózbekistan Respublikasında  xizmet kórsetken jurnalist, Qaraqalpaqstan Respublikasına miyneti singen mádeniyat xizmetkeri,  Qaraqalpaqstan Respublikası Joqarǵı Keńesi deputatı, Kóplegen tanımalı qosıqlar avtorı Altınǵúl Óteniyazova, kirip kiyatırǵan jańa 2024-jıl menen bárshe student jaslardı qızǵın qutlıqladı. Bul ótip baratırǵan 2023-jılda erisilgen jetiskenlikler, qolǵa kiritilgen tabıslar haqqında azǵana dodalap, jańa 2024-jıldaǵı rejeler haqqında aytıp ótti. Biz bilemiz, siz baxıtlı jaslarsız. Keleshektegi awıl xojalıǵı tarawında erisiletuǵın bárshe tabıslı maqsetlerińizge óz úlesińizdi qosıwıńızǵa anıq isenim bildiremen dep atap ótti shayıra apamız. Jańa jıl qarsaǵında jıllı qutlıqlawların óziniń jazǵan qosıq qatarlarında aytıp berip, student jaslarǵa kewilli keypiyat baǵıshladı.