Oqıw seminarı dawam etpekte.

Qaraqalpaqstan Respublikasındaǵı paxta-toqımashılıq klaster karxanaları agronomlarınıń tájriybesin asırıw maqsetinde, Qaraqalpaqstan awıl xojalıǵı hám agrotexnologiyalar institutında oqıw seminarınıń 2 kúni bolıp ótti.

Oqıw seminarın ótkeriliwinen tiykarǵı maqset, awıl xojalıǵı taraw qánigeleri, klasterler hám fermerlerimizdiń sawatqanlıǵın elede bekkemlew, jaratılıp atırǵan jańa sortlar haqqında olarǵa túsinik beriw bolıp esaplanadı. Institutımızıń bir neshe jıllıq tájriybege iye professor ustazlarımız tárepinen, bul jaratılıp atırǵan jańa sorlardı fermer hám klasterler tárepinen bizdiń sharayatlarda qalay jetilistiriw kerekligi boyınshada bir qansha maǵlıwmatlardı seminar qatnasıwshıları bilim kónlikpe sıpatında ózlerine alıp atır.

Oqıw seminarımızdıń búgingi kúngi baǵdarlamasın, Qaraqalpaqstan awıl xojalıǵı hám agrotexnologiyalar insitutınıń Ósimlikdi qorǵaw kafedrası professorı E.Toreniyazov óziniń bayanatı menen qatnastı.