SEMINAR TRENING.

Ózbekstan Respublikası Prezidenti Shavkat Mirziyoev basshılıǵında ótkerilgen respublika ruwxıy aĝartıwshılıq keńesiniń keńeytirilgen májilisinde qarap òtilgen ruwxıy aĝartıwshılıq, màdeniyat, kòrkem òner hám dòretiwshilik tarawlarında ámelge asırılıp atırǵan jumıslardıń nátiyjeliligi, keleshekte alĝa qoyĝan jónelislerdı belgilew, bul wazıypalardiń mánisin keń túrde en jaydırıw boyınsha màselelerge arnalĝan seminar trening biziñ Qaraqalpaqstan awıl xojalıǵı hám agrotexnologiyalar institutımızdaǵı professor ustazlar arasında da bolıp ótti.

Seminardı instituttıń birinshi prorektorı R.Ibragimova ashıp berdi hám Qaraqalpaqstan ruwxıy aĝartıwshılıq orayınıñ topar aǵzaları menen keń jámiyetshilikti tanıstırıp òtti hàm olardıń tayarlap kelgen bayanatları tıńlandı.

Seminarda Qaraqalpaqstan xalıq shayırı A.Ótepbergenov, Gumanitar pànler kafedrası baslıǵı Z.Qallibekova,  docent B.Bekimbetovlar sózge shıǵıp, búgingi kúndegi jámiyettegi ózgerisler, onnan soń jańalanǵan konsitituciyamız haqqında aytıp túsinik berip ótti. Bul jañalanıwlardıñ biziñ turmısımızĝa tiygizetuĝın paydası, jàmiyet tàrepinen qollap-quwatlanıwı, bunıñ ayqın dàlili dep atap òtti qatnasıwshılar. Seminar qızıqlı soraw-juwaplar menen dawam etti.