Joqarı oqıw ornınıń reputaciyasın joqarı kóteretuǵın kórsetkishlerdiń biri bul akademiyalıq almasıw programmalarına qatnasıwsı professor-oqıtıwshılar, doktorantlar, magistrlar, studentler sanı bolıp tabıladı.
Sol sebepli Qaraqalpaqstan awıl xojalıǵı hám agrotexnologiyalar institutında Tiller kafedrası docenti, Dr. Baxıtbay Paluanov tárepinen seminar shólkemlestirildi. Seminarda Erasmus+ Student mobilligi boyınsha ámelge asırılıp atırılǵan proektler haqqında hám institutta ótkerilip atırılǵan tańlaw haqqında tolıq maǵlıwmat berdi.
Dr. Baxıtbay Paluanov seminarda Portugaliya hám Estoniya mámleketleriniń joqarı oqıw orınlarına Erasmus+ joybarları grantı tiykarında oqıwǵa ketiw haqqında prezentaciya qıldı. Seminarda institutımızdıń bir qatar professor-oqıtıwshıları, doktorantları, magistr hám student jaslar qatnasıp, qızıqtırǵan sorawlarına juwaplar aldı.