Joqarı oqıw orınları arasında Nawrız seyilleri dawam etpekte. Sol qatarda búgin Qaraqalpaqstan awıl xojalıǵı hám agrotenologiyalar institutında da Nawrız seyili bolıp ótti. Bayram keshesin Qaraqalpaqstan Respublikası Minstrler Keńesi Baslıǵınıń orınbasarı B.Ótemuratov ashıp berdi. Onnan soń institut rektorı B.Jollibekov tárepinen bayram qutlıqlawı oqıp esittirildi. Nawrız—bul jańalanıw hám jasarıw paslı, musılman xalıqlarınıń jańa jıl bayramı. Bul bayramda hámme milliyligimizge ayrıqsha itibar berip, olardı sáwlelendiredi. Milliy naĝıslar menen bezetilgen kiyimlerdi kiyip alĝan institut oqıtıwshıları menen student jasları kòrgen adamĝa òzgeshe zawıq baĝıshlaydı, kòrip kòziñ quwanadı. Hàr bir topar òzleri tayarlap kelgen milliy taĝamların jıynalĝan kòpshilikke usındı. Búgingi bayram keshesine qaraqalpaq estrada juldızları òzleriniñ koncert baǵdarlaması qatnastı. Bayram seyili qızıqlı hàm kewilli òtti.