«Agrobiologiya hám ósimliklerdi qorǵaw» fakulteti tariyxı

Ózbekstan Respublikası Ministrler Kabinetiniń 2003-jıl 14-iyundaǵı 269-sanlı qararı menen Qaraqalpaq mámleketlik universitetiniń agrar fakulteti bazasında Tashkent mamleketlik agrar universitetiniń Nókis filialı shólkemlestirilip, onıń quramında Agronomiya fakulteti óz iskerligin baslaǵan. 2003-2004 jılları fakultet dekanı lawazımında awıl xojalıǵı ilimleri kandidatı, docent Allamurat Xojasov islegen. Ózbekstan Respublikası Ministrler Kabinetiniń 2004-jıl 3-sentyabrdegi «Respublika awıl hám suw xojalıǵı ushın joqarı mamanlı kadrlar tayarlaw sistemasın jetilistiriw haqqında»ǵı 415-sanlı qararına muwapıq filialdıń jańa strukturası tastıyıqlanıp, struktura boyınsha «Agronomiya hám awıl xojalıǵın mexanizaciyalastırıw» fakulteti bolıp shólkemlestirilip, 2004-2010-jıllarda fakultet dekanı lawazımında texnika ilimleri kandidatı Sadulla Aminov, 2010-2015-jıllarda biologiya ilimleri kandidatı, docent Absattarov Nietbay Allambergenovich islegen.

Ózbekstan Respublikası Ministrler Kabinetiniń 2015-jıl 3-noyabrdegi «Awıl hám suw xojalıǵı tarawların joqarı maǵlıwmatlı joqarı maman kadrlar menen támiynlewdi jánede jetilistiriw is-ilajları haqqında»ǵı 311-sanlı qararına tiykarlanıp tastıyıqlanǵan filialdıń jańa strukturası boyınsha «Agronomiya hám awıl xojalıǵın mexanizaciyalastırıw» fakulteti «Agronomiya» hám «Awıl xojalıǵın mexanizaciyalastırıw» fakultetleri bolıp qayta shólkemlestirildi. 2015-2018-jıllarda fakultetti Allamurat Xojasov basqarǵan.

Ózbekstan Respublikası Prezidentiniń 2018-jılı 8-maydaǵı «Tashkent mámleketlik agrar universitetinde joqarı maǵlıwmatlı kadrlar tayarlaw sistemasın túpten jetilistiriw is-ilajları haqqında»ǵı PQ-3704 sanlı qararına tiykarlanıp 1b qosımshasına muwapıq filial jańa strukturası boyınsha «Agronomiya» fakulteti «Agrobiologiya» fakulteti bolıp ózgertirildi. 2018-2022-jıllarda fakultet dekanı lawazımında awıl xojalıq ilimleri kandidatı, docent Utepbergenov Adilbay Reymbaevich isledi. Ózbekstan Respublikası Ministrler Kabinetiniń 2021-jıl 4-maydaǵı «Qaraqalpaqstan awıl xojalıǵı hám agrotexnologiyalar institutın shólkemlestiriw is-ilajları haqqında»ǵı 275-sanlı qararına muwapıq filial negizinde institut shólkemlestirildi hám Ózbekstan Respublikası Awıl xojalıǵı ministrliginiń 2021-jıl 25-iyundegi «Ministrlik quramındaǵı joqarı oqıw orınlarınıń Ustavı hám strukturasın tastıyıqlaw haqqında»ǵı 144-sanlı buyruǵı menen jańa institut strukturası tastıyıqlandı hám usı strukturası boyınsha «Agrobiologiya» fakulteti «Agrobiologiya hám ósimliklerdi qorǵaw» fakulteti bolıp ózgertirildi.

2022-jıldan házirgi waqıtqa shekem fakultet dekanı lawazımında awıl xojalıq ilimleri boyınsha filosofiya doktorı, docent Alisher Sayımbetov fakultetti basqarıp kelmekte.

Fakultet quramındaǵı kafedralar

1. Diyqanshılıq, awıl xojalıǵı eginleri selekciyası hám tuqımgershiligi
2. Ósimliklerdi qorǵaw hám karantini
3. Agroximiya hám topıraqtanıw
4. Xabar texnologiyaları, matematika, fizika hám ximiya

Fakultet quramındaǵı bakalavriat tálim baǵdarları

1) 60810900 (5410200) – Agronomiya (diyqanshılıq ónimleri túrleri boyınsha)

2) 60811200 (5410400) – Awıl xojalıq eginleri selekciyası hám tuqımgershiligi (egin túrleri boyınsha)

3) 60810700 (5410100) – Agroximiya hám agrotopıraqtanıw

4) 60811000 (5410300) – Ósimliklerdi qorǵaw (egin túrleri boyınsha)

5) 60610200 – Xabar sistemaları hám texnologiyaları (awıl xojalıǵında sanlı texnologiyalar)

Tiyisli magistratura qánigelikleri

1) 70810702 – Agroximiya

2) 70810900 – Agronomiya

3) 70810902 – Ósimlikshilik (salıgershilik)

4) 70810903 – Organikalıq diyqanshılıq hám azıq-awqat qáwipsizligi

5) 70811001 – Ósimliklerdi qorǵaw (usıllar boyınsha)

6) 70811004 – Ósimliklerdi qorǵawda monitoring hám boljaw

7) 70811101 – Ósimlikler hám awıl xojalıǵı ónimleri karantini

8) 70811201 – Selekciya hám tuqımgershilik (eginler toparları boyınsha)

 Tayansh doktorantura (PhD) hám doktorantura (DSc) qánigelikleri

1) 06.01.01 – Ulıwma diyqanshılıq. Paxtashılıq

2) 06.01.04 – Agroximiya

3) 06.01.05 – Selekciya hám tuqımgershilik

4) 06.01.09 – Ósimliklerdi qorǵaw

Fakultettiń joqarı oqıw orınları hám óndiris kárxanaları menen birge islesiwi boyınsha baylanısları

Fakultette bilim-ilm-óndiris integraciyasın táminlew hám birge islesiw maqsetinde joqarı oqıw orınları hám óndiris kárxanaları menen birge islesiw baylanısları ámelge asırılǵan. Olardan, Tashkent mámleket agrar universiteti, Termiz agrotexnologiyalar hám innovaciyalar institutı, Ándijan awıl xojalıǵı hám agrotexnologiyalar institutı, Qaraqalpaq mámleketlik universiteti, Rossiya mámleketlik agrar universiteti, Rossiya Ilimler Akademiyası Suw mashqalası institutı, Qazastannıń Taraz innovacion gumanitar universiteti, Qaraqalpaqstan awıl xojalıǵı ministrligi, Paxta selekciyası, tuqımgershiligi hám jetistiriw agrotexnologiyaları ilim izertlew institutı, Topıraqtaniw hám agroximiya ilim izertlew institutı, Genetika hám eksperimental biologiya ilim izertlew institutı, Ósimlikler genetikalıq resursları ilim izertlew institutı, Qaraqalpaqstan diyqanshılıq ilim izertlew institutı, Dán hám salı ilimiy óndirislik birlespesi, Qaraqalpaqstan tuqımgershilik orayı, ÓzR Prezidenti janındaǵı xalıqaralıq Aral boyında innovaciya orayı, Ózbekstan Ilimler Akademiyası Qaraqalpaqstan bóliminiń Tábiyat ilimleri institutı, Ósimlikler karantini hám qorǵaw agentligi, Agroximiya analiz orayı, Rayonlar hákimiyatınıń Awıl hám suw xojalıǵı bólimleri hámde klasterler menen birge islesip kelmekte.