Kafedra baslıǵı: Xojasov Allanazar
Telefon: +998913883941
E-mail:allamurat@mail.ru

Melioraciya hám suw xojalıgı kafedrası tariyxı:

     Melioraciya hám suw xojalıgı  kafedrası 2010-jılı «Ósimlikshilik, diyxanshılıq hám melioraciya tiykarları»  kafedrası, «Diyxanshılıq hám melioraciya tiykarları» kafedrası tiykarında shólkemlestirilgen.

      2022-jıldan baslap kafedra baslıǵı lawazımında texnika ilimleri kandidatı A.Xojasov islep kelmekte.

    Kafedrada jámi 14 professor-oqıtıwshı, sonnan 2 ilim doktorı, professor 6 ilim kandidatları (A.Xojasov, A.T.Djumanazarova, O.Aknazarov B.Qurbaniyazova, D.Jumamuratov,  I.Asamatdinov ) hám 6  assistent (S.Genjemuratov, A.Valieva, G.Shımbergenova, I.Kaypov, A.Saparov, M.Kurbanbaev) islep kelmekte.

         Kafedrada I. ITD – 7: “Jer, suw hám tabiyiy resurslardan aqılǵa muwapıq paydalanıw hám saqlaw, súriletuǵın jerlerde topıraq ónimdarlıǵı hám meliorativ processlerdi basqarıwdıń ekologiyalıq sap hám joqarı nátiyjeli texnologiyaların jaratıw, qorshaǵan ortalıqtı qorǵaw, sırtkı ortalıqtı stress dereklerinen qorǵaw hám ekologiyalıq qáwipsizlik mashqalaların sheshiw” Mámleketlik ilimiy-texnikalıq baǵdarlaması boyınsha KXA-7-040- “Qaraqalpaqstan shor topıraq jaǵdayında Aral teńizi qurıwınıń ǵawasha zúráátligi hám topıraq xasıldarlıǵı tásirin úyreniw” atamasında 2012-2014 jıllarǵa mólsherlengen joybarǵa professor U.E.Ismailov basshılıq etip, ilimiy izertlew jumısları alıp barılmaqta.

Joybar sheńberinde orınlanıp atırǵan ilimiy-izertlew jumısları ushın byudjetten ajratılǵan qarjı 2012 jılda 20825 mıń sum,  2013 jılda 30000 mıń sum hám 2014 jılda 30000 mıń sumdı kuraydı.

          Kafedrada tálim, ilm-pán hám óndiristi integraciyalaw boyınsha innovacion topar shólkemlestirilip, innovacion birge islesiw jolǵa qoyılǵan. Sonnan: «Qaraqalpaqstan diyxanshılıq ilim-izertlew institutı», ÓzR IA Qaraqalpaqstan bólimi Botanika baǵı,  Tómengi Amudar`ya irrigaciya sistemaları basseyn basqarması, «AgroMES» biolaboratoriyası, Ózbekstan salıgershilik III Qaraqalpaqstan filialı, Qaraqalpakstan Gidromeliorativ ekspediciyası, Qaraqalpaqstan Respublikası fermerler Keńesi menen shártnama tiykarında birge islesiw jumısları alıp barılmaqta.

          Kafedra professor-oqıtıwshıları tárepinen usı kunge shekem 600 den artıǵıraq ilimiy jumıslar: sonnan 2 oqıwlıq , 3 monografiya, 5 oqıw  qollanba, 45 oqıw metodikalıq qollanba 32 metodikalıq kórsetpe hám maqalalar basıp shıǵarıldı.

Ta`lim:

Kafedra quramındaǵı bakalavr tálim bagdarları:

  1. 5450200 – Suw xojalıǵı hám melioraciya
  2. 5450400 – Gidrotexnika qurılısları hám nasos stanciyalarınan paydalanıw

Shet el joqarı oqıw orınları menen baylanıslar:

  • Germaniyanıń Vaynshtefan Triezdorf universiteti

Ilmiy potencial

  • Professor-oqıtıwshılar quramı: 14
  • Ilim doktorları: 2
  • Ilim kandidatları: 6
  • Assistentler: 6