Kafedra baslıǵı: | Eshmuratov Elbrus Ǵaybullaevich | |
Telefon | +99897 508-51-03 | |
E-mail: | elbrus048@mail.ru |
«Toǵayshılıq hám dárilik ósimlikler» kafedrası Ózbekstan Respublikası Ministrler Kabinetiniń 2021-jıl 4-maydaǵı «Qaraqalpaqstan awıl xojalıǵı hám agrotexnologiyalar institutın shólkemlestiriw is-ilajları haqqında»ǵı 275-sanlı qararı hám Tashkent mámleketlik agrar universiteti Nókis filialınıń 2021-jıl 2-iyuldaǵı «Qaraqalpaqstan awıl xojalıǵı hám agrotexnologiyalar institutı strukturasın tastıyıqlaw haqqında»ǵı №01-12-12/119 sanlı buyrıǵına muwapıq «Ósimlikshilik, toǵayshılıq hám dárilik ósimlikler» kafedrası tiykarında shólkemmlestirilip, kafedranı awıl xojalıǵı ilimleri filosofiya doktorı Eshmuratov Elbrus Ǵaybullaevich basqarıp kiyatır.
Usı kúnge shekem: 238-sanlı buyrıq tiykarında Tashkent mámleket agrar universiteti Nókis filialınıń «Ósimlikshilik hám toǵayshılıq» kafedrası 2015-jıldıń 4-shereginde dúzilgen hám 2016-jıl 2-yanvardan baslap óz iskerligin baslaǵan. Kafedra baslıǵı sıpatında awıl xojalıǵı ilimleri kandidati D.Madreymova jumıs alıp barıp, ol ilimiy jumısın ámelge asırıw maqsetinde doktoranturaǵa qabıl etilgennen soń, 2018-jıldıń yanvarınan baslap kafedra baslıǵı lawazımında docent G. Sabirov jumıs alıp bardı.
Ózbekstan Respublikası Prezidentiniń 2018-jıl 8-may №PQ-3704 «Tashkent mámleketlik agrar universitetinde joqarı maǵlıwmatlı kadrlar tayarlaw sistemasın túpten jetilistiriw is-ilajları haqqında»ǵı qararı boyınsha universitet hám filialları strukturaları ózgeriwine baylanıslı, 2018-jıl 2-iyulda «Ósimlikshilik, toǵayshılıq hám dárilik ósimlikler» kafedrası shólkemlestirilip, kafedra baslıǵı lawazımında biologiya ilimleri kandidati Matjanova Xolida Kazakbaevna islegen.
Búgingi kúnde «Toǵayshılıq hám dárilik ósimlikler» kafedrasında 2 tálim baǵdarı hám 1 magistratura qánigeligi bar bolıp, bul tálim baǵdarları studentleri hám magistrlarǵa 25 (ishki hám sırtqı) professor-oqıtıwshılar, sonnan: 2 professor (B.Jollıbekov, S.Togashi), 6 docent (T.Otenov, T.Oserbaeva, G.Sabirov, X.Matjanova, G.Utemuratova, G.Abdiniyazova), 5 ilim kandidatı hám filosofiya doktorları (P.Toreshov, E.Eshmuratov, I.Aytımov, N.Tajetdinov, A.Jangabaeva) hámde 12 assistentler (M.Sabirova, B.Dauletmuratova, I.Abdimuxammedalieva, J.Baltaniyazov, N.Kamalova, Sh.Sabirova, N.Janabaev, O.Utambetov, J.Otewliev, Q.Tańirbergenov, G.Turımbetova, B.Yusupovlar) tálim-tárbiya berip atır. Kafedra ilimiy potencialı 52%.
Kafedra ilimiy potencialın kóteriw nátiyjeli jolǵa qoyılǵan. Atap aytqanda, awıl xojalıǵı ilimleri filosofiya doktorı ilimiy dárejesin alıw ushın kafedra assistenti I.A.Aytımov 06.01.09 – Ósimliklerdi qorǵaw qánigeligi boyınsha «Qaraqalpaqstan agrobiocenozı toǵayzarllrı zıyankeslerine qarsı gúres ilajlarınıń ilimiy tiykarları» temasındaǵı (2022 j.) hámde assistent N.D.Tajetdinov 06.01.08 – Ósimlikshilik qánigeligi boyınsha «Aral boyı otlaqlı-allyuvial topraqlarında boyan ósimligin (Glycyrrhiza glabra L.) tuxımınan jetistiriw agrotexnologiyasın islep shıǵıw» temasındaǵı ilimiy jumısın tamamlap tabıslı jaqlap shıqtı (2022 j.).
Ilim-pán hám óndiris integraciyası sherikligin jolǵa qoyıw maqsetinde kafedrada innovciyalıq toparlar jumıs alıp barıp atır. Atap aytqanda:
Ózbekstan Respublikası prezidenti janındaǵi Aral boyı Xalıq aralıq innovaciya orayı, ÓzR IA QQ bólimi Tábiyat ilimleri ilimiy-izertlew institutı «Ekologiya» laboratoriyası hámde «Botanika baǵı», Dán hám salı, ilimiy-óndirislik birlespesi, Qaraqalpaqstan diyxanshılıq ilimiy-izertlew institutı, Qaraqalpaqstan Respublikası toǵay xojalıǵı komiteti, Ózbekstan Respublikası Toǵayshılıq ilimiy-izertlew institutı, Ózbekstan Respublikası Ósimlikshilik ilimiy-izertlew institutı, Qaraqalpaqjolkóklem unitar kárxanası menen shártnamalar dúzilgen hám sheriklikte oqıw hám ilimiy-izertlew alıp barılmaqta.
Tálim:
Bakalavriat tálim baǵdarları:
- 5410800 – Toǵayshılıq (kúndizgi hám sırtqı)
- 60820100 – Toǵayshılıq (kúndizgi hám sırtqı)
- 5411100 – Dárilik ósimliklerdi jetistiriw hám qayta islew texnologiyası (kúndizgi hám sırtqı)
- 60812100 – Dárilik ósimliklerdi jetistiriw hám qayta islew texnologiyası (kúndizgi hám sırtqı)
Magistratura qánigeligi:
- 5 A410202 – Ósimlikshilik (eginler toparları boyınsha)
- 70810902 – Ósimlikshilik (eginler toparları boyınsha)
Shet el joqarı oqıw orınları menen sheriklik
- «Taraz innovciyalıq-gumanitar universiteti»
- Yaponiyanıń Chiba universiteti
Professor -oqıtıwshılar quramı: 25
- Ilim doktorı: 2
- Ilim kandidatı (PhD): 11
- Assistentler: 12