Tashkent mámleketlik agrar universiteti Nókis filialı 2021-2022 taza oqıw jılında Qaraqalpaqstan awıl xojalıǵı hám agrotexnologiyalar instituti  sıpatında óz iskerligin baslamaqda

Ózbekstan Respublikası Ministrler Kabinetiniń        2021-jıl 4-may kúngi 275-sanlı qararı tiykarında Tashkent mámleketlik agrar universiteti Nókis filialı tiykarında Qaraqalpaqstan awıl xojalıǵı hám agrotexnologiyalar institutına ózgertirilip 2021-jıldıń 6-sentyabr` kúni óz jumısın basladı.

Atap aytqanda, jańa 2021-2022-oqıw jılı múnásibeti menen institut basshıları tárepinen saltanatlı túrde ushırasıw keshesi shólkemlestirildi. Ilájda sózge shıqqanlar Ózbekstan Respublikasi Ǵáresizliginiń 30 jıllıq bayramı menen jıynalǵanlardı qutlıqladı jáne de usı jılı oqıwǵa qabıl etilgen studentlerdi studentlik altın dáwiri menen shın júrekten qutlıqlap, olarǵa mámleketimizde jaratılǵan imkaniyatlar haqqında aytıp ótti. Keleshekte ilimiy izlenisler alıp barıwǵa, pán olimpiadası jeńimpazları, ataqlı stipendiya iyeleri bolıwları ushın búginen baslap háreket etiwi kerekligi haqqında túsindirdi. Bunnan tısqarı, birinshi kurs studentlerine institut jáne fakul`tet basshıları hám institut turmısı haqqında maǵlıwmatlar berildi.

Sonday-aq, institutǵa birinshi kursǵa qabıl etilgen studentler menen bir hápte dawamında óz tálim baǵdarları boyınsha bilim alıwǵa jaratılǵan imkaniyatları menen tanıstırıw jumısları baslap jiberildi.