Bólim baslıǵı: Xamidov Nurmuxammad Muxtarovich
Qabıllaw waqtı: Hár kúni
Telefon: +99891-391-48-44,
E-mail: nurmuhammad.tsaunb@mail.ru
Bólim tariyxı
Mámleketimizde 1997-jıl 29-avgustta bilimlendiriw tarawında dúnya standartları dárejesine jetkiziw maqsetinde Ózbekistan Respublikasınıń “Bilimlendiriw haqqında”ǵı Nızam hám de “Kadrlar tayarlaw milliy baǵdarlaması” qabıl etildi. Usı áhmiyetli hújjetlerge muwapıq, 1999-jıldan baslap Ózbekstan Respublikasındaǵı bir qatar aldıńǵı joqarı oqıw orınlarında bilim beriwdiń ekinshi basqıshı – magistratura qánigelikleri boyınsha kadrlar tayarlaw jolǵa qoyıldı.
Ózbekstan Respublikası Ministrler Kabinetiniń 2003-jıl 14-iyundaǵı 269-sanlı qararı menen Qaraqalpaq mámleketlik universiteti Agrar fakulteti bazasında Tashkent mamleketlik agrar universitetiniń Nókis filialı shólkemlestirildi hám usı jıldan baslap “Magistratura bólimi” óz jumısın basladı hám bólimge t.i.k., doc. B.K.Utepbergenov 2004-jılǵa shekem basshılıq etti. 2004-2006-jılları t.i.k., doc. R.O.Sadıqov, 2006-2008-jılları t.i.k., doc. N.Saparniyazov, basshılıq etti. 2008-2016-jılları aralıǵında magistratura qániygelikleri fakultet dekanatlarina biriktirildi.
Ózbekstan Respublikası Ministrler Kabinetiniń 2016-jıl 3-noyabr 311-sanlı “Awıl hám suw xojalıǵı tarmaqların joqarı maǵlıwmatlı joqarı maman kadrlar menen támiyinlewdi elede jetilistiriw is-ilajları haqqında”ǵı qararına muwapıq magistratura bólimi qayta shólkemlestirildi hám bólimge t.i.k., doc. B.K.Utepbergenov 2019-jılǵa shekem basshılıq etti. 2019-2021-jıllarında a.x.i.f.d. (PhD) E.Eshmuratov basshılıq etti.
Ózbekstan Respublikası Ministrler Kabinetiniń 2021-jıl 4-maydaǵı “Qaraqalpaqstan awıl xojalıǵı hám agrotexnologiyalar institutın shólkemlestiriw is-ilajları haqqında”ǵı 275-sanlı qararı menen Qaraqalpaqstan awıl xojalıǵı hám agrotexnologiyalar institutı Tashkent mámleketlik agrar universiteti Nókis filialı bazasında shólkemlestirildi hám úsı jıldan baslap t.i.k., doc. B.K.Utepbergenov 2022-jılǵa shekem basshılıq etti. 2022-jıl e.i.k., doc. M.Abishov, 2023-jıl a.x.i.d., doc. X.Bekbaev basshılıq etti.
2023-yil 18-noyabrden baslap “Magistratura bólimi” baslıǵı lawaziminda texnika ilimleri boyınsha filosofiya doktorı, docent w.a. Xamidov Nurmuxammad Muxtarovich islep kelmekte.
Házirgi waqıtta magistratura bólimi
70810101 – Awıl xojalıǵın mexanizaciyalastırıw (tarmaqlar boyınsha)
70812306 – Suw únemlewshi suwǵarıw texnologiyaları
70810601 – Jer resurslarınan paydalanıw hám basqarıw
70412401 – Agrobiznes hám investiciyalıq iskerlik
70411302 – Biznestı basqarıw (Master of Business Administration – MBA)
70411201 – Menedjment (klasterlerdi basqarıw)
70811505 – Nasılshılık
70811501 – Qusshılıq
70811701 – Jipekshilik
70710402 – Ekologiya (awıl xojalıǵında)
70810901 – Agronomiya
70810702 – Agroximiya
70811001 – Ósimliklerdi qorǵaw (usılları boyınsha)
70811201 – Selekciya hám tuqımgershılık (eginler toparları boyınsha)
70810902 – Ósimlikshilik (eginler toparları boyınsha)
70811301 – Awıl xojalıq ónimlerin saqlaw hám dáslepki qayta islew texnologiyası (ónimler túrleri boyınsha)
70812101 – Dárilik ósimliklerdi jetistiriw texnologiyası
70811901 – Sabzavotshılıq hám palızshılıq
qániygelikleri boyınsha magistrantlarǵa oqıw-metodikalıq, ilimiy-izertlew jumısların alıp barıw hám magistrlik dissertaciyalarin tayarlaw boyınsha bilim berilmekte.
Bólimniń maqseti: Institutta Kadrlar tayarlaw milliy modeli wazıypalarına muwapıq mámleketimizdiń sociallıq-ekonomikalıq rawajlanıwı tendeciyalarinan kelip shıǵıp tiyisli qánigelik boyınsha kásiplik, huqıqıy, pedagogikalıq hám psixologiyalıq bilimlerdi tereń ózlestirgen jámiyet, mámleket hám shańaraq aldında juwapkershilikti túsinetuǵın joqarı maman magistr qánigeliklerdi tayarlawın shólkemlestiriwden ibarat.