AQShtıń USAID shólkeminiń agrobiznesti rawajlandırıw dástúri, Germaniyanıń  GIZ shólkemi hám Panaev Farms kárxanaları qánigeleri qatnasıwında 2021-jıldıń 1-2 noyabr kúnleri aralıǵında institutda seminar bolıp ótti. Seminarda USAID shólkeminiń agrobiznesti rawajlandırıw dástúri koordinatorı U.Sayfudinov, GIZ shólkeminiń Qaraqalpaqstandaǵı koordinatorı A.Qurbanov hám Panaev Farms kárxanası baslıǵı T.Panaevlar kelip, instituttıń Veterenariya hám Zootexniya qánigeligi professor-oqıtıwshıları hám student jaslarına sharwashılıq xojalıqların basqarıwdıń zamanagóy texnologiyaları hám bul tarawda aldaǵı rejelestirilgen jumısları haqqında tolıq maǵlıwmat berdi. Óz gezeginde 2-noyabr kúni miymanlar menen birgelikte, institut professor oqıtıwshıları, student jasları Panaev Farms kárxanasınıń Qaraózek rayonındaǵı fermasına barıp, ol jerdegi sharwashılıq xojalıqların basqarıwdıń zamanagóy texnologiyaların engiziw boyınsha eń aldıńǵı tájiriybeleri hám fermaǵa shet ellerden alıp kelingen násilli qara mallar, qoylar, eshki hám qoyanlardıń túrleri menen tanıstı.