Global Jaslar Forumı

2021-jıldıń 25-sentyabr kúni Yaponiyanıń OISCA shólkemi tárepinen «Biologiyalıq túrler hám qorshaǵan ortalıqtı qorǵaw» atamasında 2021 OISCA Global Jaslar Forumı tańlawı ótkerildi. Tańlawǵa dúnyanıń 15ge jaqın rawajlanǵan mámleketlerinen qatnasıwshılar ózleriniń hár túrli lekciyaları menen qatnastı. Forumda Tayland, Filippin, Yaponiya, Indiya, Indoneziya, Gonkong, Ózbekstan hám basqa mámleketlerden 40ǵa jaqın talabanlar qatnastı.

2021 OISCA Global Jaslar Forumında Qaraqalpaqstan awıl xojalıǵı hám agrotexnologiyalar institutınıń Xalıq aralıq baylanıslar bólimi xızmetkeri Timur Boranbaev 20-30 jaslılar kategoriyasında Ózbekstan wákili sıpatında qatnastı hám forumda óziniń jas kategoriyasında 1-orındı qolǵa kiritdi. Forum juwmaǵında jeńimpazlarǵa shólkemlestiriwshiler tárepinen sertifikatlar hám basqa sawǵalar menen sıylıqlandı.