2022-jıldıń 9-iyun kúni Qaraqalpaqstan awıl xojalıǵı hám agrotexnologiyalar institutında AQSh tıń USAID shólkeminiń agrobiznesti rawajlandırıw joybarı sheńberinde ushrasıw bolıp ótti. Ushrasıw “Agrofirma Chempion invitro laboratoriyasına qániygelerdi tańlap alıw” maqsetinde shólkemlestirildi.

Ushrasıwda USAID shólkeminiń Agrobiznesti rawajlandırıw joybarı Qaraqalpaqstan Respublikası hám Xorezm wálayatı kordinatorı Sayfuddinov Umid hám Qurbanov Baxtiyar, Qaraqalpaqstan Respublikasında jaylasqan Agrofirma Chempion invitro laboratoriyasi wákilleri, Qaraqalpaqstan awıl xojalıǵı hám agrotexnologiyalar institutı, Qaraqalpaq mámleketlik universiteti, Nókis mámleketlik pedagogikalıq institutı bakalavr studentleri, magistrantlar hám doktorantlar qatnastı.

Ushrasıw dawamında USAID shólkeminiń Agrobiznesti rawajlandırıw joybarı Qaraqalpaqstan Respublikası hám Xorezm wálayatı kordinatorı Sayfuddinov Umid USAID shólkeminiń agrobiznesti rawajlandırıw joybarınıń xalıq bántligin asırıwda qosıp atırǵan úlesi hám jas qániygelerge jaratılıp atırǵan imkaniyatlar haqqında aytıp ótti. Agrofirma Chempion invitro laboratoriyasi qániygesi Erjanova Aynura laboratoriya shárayatları, kóbeytirilip atırǵan ósimlikler hám laboratoriyaǵa jumısqa jaylasıw imkaniyatları haqqında tolıq maǵlıwmat berdi. Ushrasıw juwmaǵında qatnasıwshılar óz ara pikir almastı hám ózlerin qızıqtırǵan sorawlarǵa juwaplar aldı.