Yaponiya menen birge islesiw baylanısları

Instituttıń xalıq aralıq baylanıslar bólimi tárepinen Yaponiyanıń Tokiwa Phytochemical kompaniyası prezidenti Jin Tatsuzaki (PH.D) menen ushırasıw shólkemlestirildi.

Ushırasıwǵa Qaraqalpaqstan awıl xojalıǵı hám agrotexnologiyalar institutı rektorı E.Toreniyazov, oqıw isleri boyınsha prorektor N.Absattarov,  ilmiy isler hám innovaciyalar boyınsha prorektor B.B.Jollıbekov hám Yaponiyanıń Tokiwa Phytochemical kompaniyası prezidenti Jin Tatsuzaki (PH.D) xalıq aralıq baylanıslar bólimi qániygeleri qatnastı.

Ilajda birge islesiwdiń maqset hám wazıypaları, aldaǵı rejeler boyınsha pikir alısıwlar bolıp ótti.

 Yaponiyalı qániyge bul kompaniyanıń tariyxı hám islep shıǵaratuǵın ónimleri, sonday-aq, bul ónimlerdiń paydalı tárepileri haqqında keń túrde maǵlıwmatlar berip ótti.

Onda atap ótilgenindey, bul kompaniya xızmet kórsetip kiyatırǵanına 74 jıl bolǵan bolıp, házirgi kúnge shekem tek ǵana boyan tamır emes basqa da paydalı bolǵan dárilik ósimliklerdi qayta islew boyınsha ilimiy jumıslardı alıp barmaqta.

Búgingi ushırasıwdan tiykarǵı maqset, Qaraqalpaqstan Respublikasında ilimiy izleniwler alıp barıw, shorlanıwdıń aldın alıw, aymaqtı jasıl aymaqqa aylandırıw boyınsha bir qansha ilimiy jumıslardı ámelge asırıw, máselen, tamırdan egiletuǵın ósimliklerdi usı aymaqta tájriybede qollanıwdan  ibarat.

Ushırasıw dawamında eki táreptiń tiykarǵı wazıypaları hám rejeleri tıńlanıp, birge islesiw shártleri qollap-quwatlandı hám shártnamalar imzalandı.