“Insan huqıqlarınıń bilimdanı” atamasında kvest oyını shólkemlestirildi.

2023 jıl 6 dekabr kúni Qaraqalpaqstan Respublikası Málimleme kitapxana orayında Insan huqıqları dúnya júzlik deklaraсiyası qabıl etilgenliginiǹ 75 jıllıģına baģıshlanģan “Insan huqıqlarınıń bilimdanı” atamasında kvest oyını shólkemlestirildi.
Kvest oyının Úlketanıw maǵlıwmatlar sektorı baslıǵı G.Ablakimova alıp bardı.
Kvest oyınına Qaraqalpaqstan awıl xojaliǵı hám agrotexnologiyalar instituti Miywechilik awıl xojaliǵi ònimlerin saqlaw hám qayta islew texnologiyası fakulteti tyutorı Z.Avezova, 2-basqısh yurısprudenciya tálim baǵdarınıń “Nızam” hám “Huqıq” komandaları ózara bellesti.
Bellesiwdi QR Málimleme-kitapxana orayı Maģliwmat bibloigrafiya xızmeti baslıģı G. Abbazova, Huquqıy maģlıwmatlar sectorı baslıģı N. Djumaniyazova hám elektron resurslardan paydalanıw zalı sectorı baslıǵı L.Pirnazarovalar bahalap bardı. Bellesiwde Insan huqıqları boyınsha sorawlar berilip, juwaplar alındı. Oyın juwmaǵında 1-orındı “Nızam” 2-orındı “Huqıq”, komandaları iyeledi hám shólkemlestiriwshiler tárepinen sawǵalar menen sıylıqlandı.