Isbilermenler menen ushırasıw bolıp ótti.

Qaraqalpaqstan awıl xojalıǵı hám agrotexnologiyalar institutınıń 3- hám 4- basqısh student jasları menen birgelikte “JASLAR ISBILERMENGILIGIN QOLLAP-QUWATLAW HÁM AGROBIZNESTI RAWAJLANDÍRÍW” atamasında  isbilermenler menen ushrasıw òtkerildi.

Ushırasıwǵa Agroturizim boyınsha isbilermen hám biznes trenerler A.Begjanova, Z.Kalieva, D.Jumashovalar kelip, awıl xojalıǵı tarawında student jaslarımızǵa keleshekte jeke bizneslerin jaratıp, jaqsı dáramat alıw usılları haqqında maǵlıwmatlar berdi. Atızlarımızda jetilisip atırǵan ónimlerimizdi shet ellerge eksport qılıw, bazar ekonomikasındaǵı eń áhimiyetlı qaǵıydalarǵa ámel qılıw usıllarına toqtalıp ótti. Bunday ushırasıwlar keleshegimiz bolǵan jaslarımızǵa, óz kásibiniń mamanı bolıp jetilisiwinde jaqsı motivaciya bolıwı anıq.

Isbilermenler menen òtkerilgen bunday ushrasıwdı shólkemlestiriwde, instituttıñ Marketing bólimi baslıǵı M.Berdimuratov hám karyera orayı mengeriwshisi A.Arıqbayevalar jaqınnan járdem berdi.