Qaraqalpaqstan awil xojalig’i hám agrotexnologiyalar institutiniń Ilimiy isler hám innovatsiyalar boyınsha prorektori Jollibekov Berdiyardiń 2023 jil 31-iyul 7- avgust ku’nleri Yaponiya mámleketine saparı sheńberinde bir qatar xalıq aralıq baylanis nátiyjelerine erisildi.

2-avgust sánesinde Yaponiyanig Maizuru qala hákimi Kamoda Akitsu, Maizuru qala hákimligi Sanaatlastırıw departamenti basshısı Kojima Hiroshi, Maizuru qala hákimligi Sanaatlastırıw bólimi basshısı Yamamoto Hitoshi, Maizuru qala Xalıq aralıq baylanıslar bólimi hodimi Ahmedov Asilbek, Tokyo awıl xojalıǵı hám texnologiyalar universiteti professorı Kawabata Yoshikolar menen Maizuru qalasında ushırasıw bolıp ótti. Ushırasıw dawamında birgelikte shay jetistiriw máseleleri talqılaw etildi. Maizuru qalasında shay jetistiriw júdá joqarı dárejede jolǵa qoyılǵanlıǵı hám de bul shay sortların Ózbekstanda jetistiriw boyınsha ámelge asırılǵan jumıslar hám tájiriybeler hár tárepleme talqılandi hám de keleshekte birge islewdi keńeytiw, Qaraqalpaqstan awil xojalig’i hám agrotexnologiyalar institute professor –oqıtıwshıları  Maizuru qalasındaǵı universitetlerde bilimlerdi jetilistiriwi hám sabaq beriwi boyınsha bir qatar máseleler boyicha pikir almasildi.Sonnan keyin Maizuru qalasındaǵı shay plantatsiyasina sapar qilindi. Sapar dawamında Maizuru shaxrida shay jetistiriw júdá keń jolǵa qoyılǵanlıǵı hám joqarı texnologiyalar tiykarında islep shiǵarılatuǵın dúnyaǵa ataqlı hám sapalı shay jetistiriw hám islep shıǵarıw processleri menen tanıstirıldi.

Shay jetistirip atirg’an maydanlarda tiykarinan 5 qıylı túr egiliwi, 60 jıllıq náller hám jańa egilgen 4 aylıq nállerlerdi ósiriw agrotexnoligalari haqqinda qánigeler menen sáwbet alip barildi. Sapardıń keyingi kúni 3-avgust sánesinde Tokiyo awıl xojalıǵi hám texnologiyalar universitetine kelildi hám de ol jerda oqııp atırǵan, ilmiy tájriybe asırıp atırǵan Tashkent mámleket agrar universitetiniń jas ilimpazları menen ushırasıw dúzildi. Atap aytqanda, maǵlıwmat ornında Tashkent mámleket agrar universiteti Dárilik ósimlikler introduktsiyasi, jetistiriw texnologiyası hám agrofarmekologiyasi tayansh doktoranti Aqseytov Janbolat 2023-jıl 15-marttan berli Yaponiya mámleketi Ayakava qalasında jaylasqan OISCA shólkeminde ilmiy tájriybe asırıp atır. Dárilik hám tatımlıq ósimliklerdi jetistiriw, saqlaw hám qayta islew boyınsha teoriyalıq bilimlerin ámeliyatta sınap sırt el tájiriybelerin o’zlestirmekte.

   Hám de 2020 -jıldıń basında Yaponiya Xalıq aralıq baylanislar Agentligi (JDS) azıq awqat havfsizligin támiyinlew maqsetinde “Awıl xojalıǵı tarmaqları -2020” (Agri-net 2020 ) grant programmasında Tashkent mámleket agrar universiteti Agrobilologiya fakulteti Dıyxanshılıq hám melioratsiya kafedrası assistenti Nizamov Sherzod “Suw jetispewshiligi sharayatında AquaCrop modelin úyreniw” teması menen qatnasıp  tańlawdıń absolyut jeńimpazına aylandı hám Tokiyo awıl xojalıǵı hám texnologiya universitetiniń doktorantura basqıshında grant tiykarında 3 jıl oqıp, PhD dissertatsiyasın tabıslı qorǵadi.

Keyin 4-avgust kúni B. Jollibekov Tokiyo awıl xojalıǵı hám texnologiyalar universiteti dekanı Professor Dr. Ryo FUNADA menen ushırasıw bolıp ótti. Ushırasıw processinde universitet dekanı Ózbekstandan kelip oqııp atırǵan hám joqarı dárejede PhD hám magistrlıq dissertasiyalarin qorǵaǵan jas ilimpazlar haqqinda jaqsı pikirler bildirdi. Universitetler ortasında óz-ara balanisliq hám qospa tálim programmaların ashıw, professor -oqıtıwshılar hám doktorantlar almasiw boyınsha bir qatar máseleler kórip shıǵıldı hám de kerekli hújjetler imzalawdi kelisip alındı. Fakultet dekanı menen ushırasıwdan keyin Tokiyo awıl xojalıǵı hám texnologiyalar universiteti tájiriybe xojalıǵı hám ol jaǵdayda alıp barılıp atırǵan ilimiy tájiriybeler menen tanısıldi.

Xalıq aralıq baylanislar sheńberinde ámelge asırılıp atırǵan bunday ámeliy jumıslar universitet student jaslarınıń sırt el tájiriybelerinde oqıwına hám de universitet reytin’gi asıwına xizmet etip atır.