Fakultet dekani Sultanov Elimbet Kalimbetovich Telefon: +99891-390-20-09, E-mail: sultanovelimbet@gmail.com

Fakul`tet tarixi

        Ózbekstan  Respublikası Prezidentiniń 1992-jıl 28-fevraldaġı «Respublikada jańa oqıw orınların shólkemlestiriw haqqındaġı» Pármanına, ózbekstan Respublikası Ministrler Kabinetiniń 1992-jıl 11-marttaġı Qararı hám Ózbekstan Respublikası Joqarı hám orta arnawlı bilimlendiriw ministrligi kollegiyasınıń 1992-jıl 26-apreldegi №4/5 sanlı qararına tiykarlanıp Qaraqalpaqstan mámleketlik universiteti «Awıl xojalıġı ekonomikası» fakul`teti bazasında Tashkent mámleketlik agrar universiteti Nókis filialı shólkemlestirildi. Usı jıldan «Awıl xojalıġın mexanizatsiyalastırıw» fakulteti óz jumısın basladı hám fakultetke t.i.k. O.P.Auezov basshılıq etti. Fakul`tet quramında «Mashinalardan paydalanıw, isenimliligi hám ońlaw, «Traktorlar, avtomobiller hám awıl xojalıġı mashinaları» hám «Mashina detalları hám mexanizmler teoriyası» kafedraları jumıs alıp bardı.

     Ózbekstan Respublikası Ministrler Kabinetiniń 1995-jıl 3-iyundaġı 211-sanlı «Ózbekstan Respublikası joqarı oqıw orınları sistemasın jetilistiriw haqqındaġı» Qararınıń 1-punktine tiykarlanıp, Tashkent mámleketlik agrar universiteti Nókis filialı Qaraqalpaq mámleketlik universiteti «Agrar» fakul`teti bolıp qayta shólkemlestirildi.

    Ózbekstan Respublikası Ministrler Kabinetiniń 2003-jıl 14-iyundaġı №269-sanlı Qararına muwapıq Berdaq atındaġı Qaraqalpaq mámleketlik universiteti Agrar fakul`teti bazasında Tashkent mámleketlik agrar universiteti Nókis filialı qayta shólkemlestirildi hám usı jıldan baslap «Agroinjeneriya» fakul`teti o`z jumısın jáne basladı hám fakul`tetke t.i.d., professor O.P.Auezov basıhılıq etti.  Tashkent mámleketlik agrar universiteti Nókis filialı direktorınıń 2004-jıl 20-sentyabrdegi №232-Н/1 buyrıġına tiykarlanıp filial quramına ózgerisler kiritildi hám «Agronomiya»,  «Agroinjeneriya» fakultetleri biriktirilip «Agronomiya hám awıl xojalıġın mexanizatsiyalastırıw» fakul`teti shólkemlestirildi hám fakul`tetke 2004-2010 jılları t.i.k., dots. S.Aminov hám 2010-2015-jılları b.i.k., dots. N.A. Absattarovlar basshılıq etti.

     Ózbekstan Respublikası Ministrler Kabinetiniń 2015-jıl 3-noyabrdegi «Awıl hám suw xojalıġı tarawların joqarı maġlıwmatlı kadrlar menen támiynlewdi jánede jetilistiriw is-ilajları haqqındaġı»  311-sanlı qararına muwapıq Tashkent mámleketlik agrar universiteti Nókis filialı quramına kiritilgen ózgerislerge tiykarlanıp «Agronomiya hám awıl xojalıġın mexanizatsiyalastırıw» fakul`teti «Agronomiya» hám «Agroinjeneriya» fakultet`leri bolıp qayta shólkemlestirildi hám «Agroinjeneriya» fakultetine t.i.k. S.U.Allaniyazov basshılıq etti.

   Ózbekstan Respublikası Prezidentiniń 2018-jıl 8-maydaġı «Tashkent mámleketlik agrar universitetinde joqarı maġlıwmatlı kadrlar tayarlaw sistemasın tupten jetilistiriw is-ilajları» haqqındaġı PQ-3704 sanlı qararına muwapıq, 2018 jıl avgust ayınan Tashkent mámleketlik agrar universiteti Nókis filialı «Agroinjeneriya» hám «Zootexniya» fakultetleri biriktirilip, «Agroinjeneriya hám zootexniya» fakul`teti bolıp shólkemlestirilip óz jumısın alıp barmaqta hám t.i.k. S.U.Allaniyazov fakul`tetke basshılıq etpekte.

    Házirgi waqıtta fakul`tette 5430100-Awıl xojalıġın mexanizatsiyalastırıw, 5450200-Suw xojalıġı hám melioratsiya, 5450400-Gidrotexnika qurılmaları hám nasos stantsiyalarınan paydalanıw, 5410700-Jer duziw hám jer kadastrı bakalavr tálim baġdarları boyınsha studentlerge hám oqıw-metodikalıq, ilimiy-izertlew, tálim-tárbiya tarawlarında bilim berilmekte.

Fakul`tet quramındaġı kafedralar:

1. Awıl xojalıġın mexanizatsiyalastırıw kafedrası.
2. Melioratsiya hám suw xojalıġı kafedrası.
3. Tiller kafedrası.
4. Jer kadastrı hám jerden paydalanıw kafedrası.

 Fakul`tettiń joqarı oqıw orınları hám óndiris kárxanaları menen birge islesiw boyınsha baylanısları:

        Fakul`tette bilim beriw tarawında birge islesiw hám bilimlendiriwdi óndiris penen integratsiyalaw maqsetinde innovatsiyalıq birge islesiw sheńberinde bir qatar joqarı oqıw orınları hám óndiris kárxanaları menen baylanıslar ornatılġan. Solardan, Tashkent mámleketlik agrar universiteti, Tashkent irrigatsiya hám awıl xojalıġın mexanizatsiyalastırıw injenerleri institutı, Tashkent mámleketlik texnika universiteti, Samarqand awıl xojalıġı institutı, Andijon awıl xojalıġı institutı, Awıl xojalıġın mexanizatsiyalastırıw ilim-izertlew institutı, «Qaraqalpaq Agrotexservis MTP»  JSHJ, Volgograd mámleketlik awıl xojalıġı universitetleri, «Qaraqalpaqstan diyxanshılıq ilim-izertlew institutı», Qaraqalpaqstan Respublikası jer resursları hám mámleketlik kadastrı basqarması, Qaraqalpaqstan Respublikası jer duziw hám kóshpes mulk kadastrı mámleketlik kárxanası, «Uzdaverloyiha» ilimiy joybarlaw institutınıń Qaraqalpaqstan bólimi, «UzGIP» institutı JSHJ Qaraqalpaqstan unitar kárxanası, Tómengi ámiwdárya irrigaciya sistemaları basseyn basqarması, «AgroMES» biolaboratoriyası, Ózbekstan salıshılıq ilim-izertlew institutı Qaraqalpaqstan filialı, Qaraqalpaqstan gidromeliorativ ekspeditsiyası, Qaraqalpaqstan Respublikası fermerler Keńesi, Tashkent irrigatsiya hám melioratsiya institutı janındaġı suw mashqalaları institutı Qaraqalpaqstan filialı, «Qaraqalpaqbalıqsanaat» JSHJ hám Qaraqalpaqstan ekonomika Ministrlikleri menen birge islesiw boyınsha baylanıslar ornatılġan.