23-sentyabr kúni Martin Lyuter universitetinen Dr. Piter Liebelt Qaraqalpaqstan awıl xojalıǵı hám agrotexnologiyalar institutında xızmet saparı menen boldı.
Dáslep Dr. Piter Liebeltti Qaraqalpaqstan awıl xojalıǵı hám agrotexnologiyalar institutı direktorı, professor Elmurat Tѳreniyazov penen birgelikde direktordıń ilmiy isler hám innovaciyalar boyınsha orınbasarı Berdiyar Jollıbekov penen ushırasıw shólkemlestirildi.
Ushırasıwda institut direktorı, professor Elmurat Tѳreniyazov hazirgi waqıttaǵı institut turmısı hám onda ámelge asırılıp atırǵan xalıqaralıq joybarlar haqqında kelgen miymanǵa keń tѳrde aytıp ótti.
Sońınan Dr. Piter Liebelt Germaniya Federativ Respublikasında jaylasqan Martin Lyuter universiteti haqqında keńnen tusinikler berip, paytaxtımız Nókis qalasında usı universitettiń filialın ashıw boyınsha ózininiń usınısın bildirdi. Sonday-aq, Dr. Piter Liebelt házirgi waqıtta Qazaqstannıń Alma ata qalasında jaylasqan Oraylıq Aziya turaqlı innovaciyalıq byurosınıń direktorı lawazımında da islep atırǵanın aytıp, byuronıń búgingi kúni Oraylıq Aziyada alıp barıp atırǵan jumısları haqqında da túsinikler berdi.
Ushırasıw sońında Oraylıq Aziya turaqlı innovaciyalıq byurosı menen birgelikde klimattı qorǵaw, energiyadan paydalanıw hám suw menejmenti boyınsha xalıqaralıq joybarlardı ámelge asırıwdi usınıs etdi.